UtshovDoha 33
33.1
Chaupai
जब तेहिं कीन्ह राम कै निंदा। क्रोधवंत अति भयउ कपिंदा।।
हरि हर निंदा सुनइ जो काना। होइ पाप गोघात समाना।।
कटकटान कपिकुंजर भारी। दुहु भुजदंड तमकि महि मारी।।
डोलत धरनि सभासद खसे। चले भाजि भय मारुत ग्रसे।।
गिरत सँभारि उठा दसकंधर। भूतल परे मुकुट अति सुंदर।।
कछु तेहिं लै निज सिरन्हि सँवारे। कछु अंगद प्रभु पास पबारे।।
आवत मुकुट देखि कपि भागे। दिनहीं लूक परन बिधि लागे।।
की रावन करि कोप चलाए। कुलिस चारि आवत अति धाए।।
कह प्रभु हँसि जनि हृदयँ डेराहू। लूक न असनि केतु नहिं राहू।।
ए किरीट दसकंधर केरे। आवत बालितनय के प्रेरे।।
Jab tehin kinha ram kai ninda, krodhavant ati bhayau kapinda
Hari har ninda sunai jo kana, hoi pap goghat samana
Katakatan kapikunjar bhari, duhu bhujadand tamaki mahi mari
Dolat dharani sabhasad khase, chale bhaji bhay marut grase
Girat sambhari utha dasakandhar, bhutal pare mukut ati sundar
Kachhu tehin lai nij siranhi sanvare, kachhu angad prabhu pas pabare
Avat mukut dekhi kapi bhage, dinahin luk paran bidhi lage
Ki ravan kari kop chalae, kulis chari avat ati dhae
Kah prabhu hansi jani hridayam derahu, luk na asani ketu nahin rahu
E kirit dasakandhar kere, avat balitanay ke prere
33.2
Doha/soratha
तरकि पवनसुत कर गहे आनि धरे प्रभु पास।
कौतुक देखहिं भालु कपि दिनकर सरिस प्रकास ॥32(क)॥
Taraki pavanasut kar gahe ani dhare prabhu pas
Kautuk dekhahin bhalu kapi dinakar saris prakas, 32(ka)
33.3
Doha/soratha
उहाँ सकोपि दसानन सब सन कहत रिसाइ।
धरहु कपिहि धरि मारहु सुनि अंगद मुसुकाइ ॥32(ख)॥
Uhan sakopi dasanan sab san kahat risai
Dharahu kapihi dhari marahu suni angad musukai, 32(kh)