UtshovDoha 37
37.1
Chaupai
कंत समुझि मन तजहु कुमतिही। सोह न समर तुम्हहि रघुपतिही।।
रामानुज लघु रेख खचाई। सोउ नहिं नाघेहु असि मनुसाई।।
पिय तुम्ह ताहि जितब संग्रामा। जाके दूत केर यह कामा।।
कौतुक सिंधु नाघी तव लंका। आयउ कपि केहरी असंका।।
रखवारे हति बिपिन उजारा। देखत तोहि अच्छ तेहिं मारा।।
जारि सकल पुर कीन्हेसि छारा। कहाँ रहा बल गर्ब तुम्हारा।।
अब पति मृषा गाल जनि मारहु। मोर कहा कछु हृदयँ बिचारहु।।
पति रघुपतिहि नृपति जनि मानहु। अग जग नाथ अतुल बल जानहु।।
बान प्रताप जान मारीचा। तासु कहा नहिं मानेहि नीचा।।
जनक सभाँ अगनित भूपाला। रहे तुम्हउ बल अतुल बिसाला।।
भंजि धनुष जानकी बिआही। तब संग्राम जितेहु किन ताही।।
सुरपति सुत जानइ बल थोरा। राखा जिअत आँखि गहि फोरा।।
सूपनखा कै गति तुम्ह देखी। तदपि हृदयँ नहिं लाज बिषेषी।।
Kant samujhi man tajahu kumatihi, soh na samar tumhahi raghupatihi
Ramanuj laghu rekh khachai, sou nahin naghehu asi manusai
Piy tumha tahi jitab sangrama, jake dut ker yah kama
Kautuk sindhu naghi tav lanka, ayau kapi kehari asanka
Rakhavare hati bipin ujara, dekhat tohi achchha tehin mara
Jari sakal pur kinhesi chhara, kahan raha bal garba tumhara
Ab pati mrisha gal jani marahu, mor kaha kachhu hridayam bicharahu
Pati raghupatihi nripati jani manahu, ag jag nath atul bal janahu
Ban pratap jan maricha, tasu kaha nahin manehi nicha
Janak sabhan aganit bhupala, rahe tumhau bal atul bisala
Bhanji dhanush janaki biahi, tab sangram jitehu kin tahi
Surapati sut janai bal thora, rakha jiat ankhi gahi phora
Supanakha kai gati tumha dekhi, tadapi hridayam nahin laj bisheshi
37.2
Doha/soratha
बधि बिराध खर दूषनहि लींलाँ हत्यो कबंध।
बालि एक सर मारयो तेहि जानहु दसकंध ॥36॥
Badhi biradh khar dushanahi linlan hatyo kabandh
Bali ek sar marayo tehi janahu dasakandh