UtshovDoha 25
25.1
Chaupai
धन्य कीस जो निज प्रभु काजा। जहँ तहँ नाचइ परिहरि लाजा।।
नाचि कूदि करि लोग रिझाई। पति हित करइ धर्म निपुनाई।।
अंगद स्वामिभक्त तव जाती। प्रभु गुन कस न कहसि एहि भाँती।।
मैं गुन गाहक परम सुजाना। तव कटु रटनि करउँ नहिं काना।।
कह कपि तव गुन गाहकताई। सत्य पवनसुत मोहि सुनाई।।
बन बिधंसि सुत बधि पुर जारा। तदपि न तेहिं कछु कृत अपकारा।।
सोइ बिचारि तव प्रकृति सुहाई। दसकंधर मैं कीन्हि ढिठाई।।
देखेउँ आइ जो कछु कपि भाषा। तुम्हरें लाज न रोष न माखा।।
जौं असि मति पितु खाए कीसा। कहि अस बचन हँसा दससीसा।।
पितहि खाइ खातेउँ पुनि तोही। अबहीं समुझि परा कछु मोही।।
बालि बिमल जस भाजन जानी। हतउँ न तोहि अधम अभिमानी।।
कहु रावन रावन जग केते। मैं निज श्रवन सुने सुनु जेते।।
बलिहि जितन एक गयउ पताला। राखेउ बाँधि सिसुन्ह हयसाला।।
खेलहिं बालक मारहिं जाई। दया लागि बलि दीन्ह छोड़ाई।।
एक बहोरि सहसभुज देखा। धाइ धरा जिमि जंतु बिसेषा।।
कौतुक लागि भवन लै आवा। सो पुलस्ति मुनि जाइ छोड़ावा।।
Dhanya kis jo nij prabhu kaja, jaham taham nachai parihari laja
Nachi kudi kari log rijhai, pati hit karai dharma nipunai
Angad svamibhakta tav jati, prabhu gun kas na kahasi ehi bhanti
Main gun gahak param sujana, tav katu ratani karaum nahin kana
Kah kapi tav gun gahakatai, satya pavanasut mohi sunai
Ban bidhansi sut badhi pur jara, tadapi na tehin kachhu krit apakara
Soi bichari tav prakriti suhai, dasakandhar main kinhi dhithai
Dekheum ai jo kachhu kapi bhasha, tumharen laj na rosh na makha
Jaun asi mati pitu khae kisa, kahi as bachan hansa dasasisa
Pitahi khai khateum puni tohi, abahin samujhi para kachhu mohi
Bali bimal jas bhajan jani, hataum na tohi adham abhimani
Kahu ravan ravan jag kete, main nij shravan sune sunu jete
Balihi jitan ek gayau patala, rakheu bandhi sisunha hayasala
Khelahin balak marahin jai, daya lagi bali dinha chhorai
Ek bahori sahasabhuj dekha, dhai dhara jimi jantu bisesha
Kautuk lagi bhavan lai ava, so pulasti muni jai chhorava
25.2
Doha/soratha
एक कहत मोहि सकुच अति रहा बालि की काँख।
इन्ह महुँ रावन तैं कवन सत्य बदहि तजि माख ॥24॥
Ek kahat mohi sakuch ati raha bali ki kankh
Inha mahun ravan tain kavan satya badahi taji makh