UtshovDoha 24
24.1
Chaupai
तुम्हरे कटक माझ सुनु अंगद। मो सन भिरिहि कवन जोधा बद।।
तव प्रभु नारि बिरहँ बलहीना। अनुज तासु दुख दुखी मलीना।।
तुम्ह सुग्रीव कूलद्रुम दोऊ। अनुज हमार भीरु अति सोऊ।।
जामवंत मंत्री अति बूढ़ा। सो कि होइ अब समरारूढ़ा।।
सिल्पि कर्म जानहिं नल नीला। है कपि एक महा बलसीला।।
आवा प्रथम नगरु जेंहिं जारा। सुनत बचन कह बालिकुमारा।।
सत्य बचन कहु निसिचर नाहा। साँचेहुँ कीस कीन्ह पुर दाहा।।
रावन नगर अल्प कपि दहई। सुनि अस बचन सत्य को कहई।।
जो अति सुभट सराहेहु रावन। सो सुग्रीव केर लघु धावन।।
चलइ बहुत सो बीर न होई। पठवा खबरि लेन हम सोई।।
Tumhare katak majh sunu angad, mo san bhirihi kavan jodha bad
Tav prabhu nari biraham balahina, anuj tasu dukh dukhi malina
Tumha sugriv kuladrum dou, anuj hamar bhiru ati sou
Jamavant mantri ati burha, so ki hoi ab samararurha
Silpi karma janahin nal nila, hai kapi ek maha balasila
Ava pratham nagaru jenhin jara, sunat bachan kah balikumara
Satya bachan kahu nisichar naha, sanchehun kis kinha pur daha
Ravan nagar alpa kapi dahai, suni as bachan satya ko kahai
Jo ati subhat sarahehu ravan, so sugriv ker laghu dhavan
Chalai bahut so bir na hoi, pathava khabari len ham soi
24.2
Doha/soratha
सत्य नगरु कपि जारेउ बिनु प्रभु आयसु पाइ।
फिरि न गयउ सुग्रीव पहिं तेहिं भय रहा लुकाइ ॥23(क)॥
Satya nagaru kapi jareu binu prabhu ayasu pai
Phiri na gayau sugriv pahin tehin bhay raha lukai, 23(ka)
24.3
Doha/soratha
सत्य कहहि दसकंठ सब मोहि न सुनि कछु कोह।
कोउ न हमारें कटक अस तो सन लरत जो सोह ॥23(ख)॥
Satya kahahi dasakanth sab mohi na suni kachhu koh
Kou na hamaren katak as to san larat jo soh, 23(kh)
24.4
Doha/soratha
प्रीति बिरोध समान सन करिअ नीति असि आहि।
जौं मृगपति बध मेड़ुकन्हि भल कि कहइ कोउ ताहि ॥23(ग)॥
Priti birodh saman san karia niti asi ahi
Jaun mrigapati badh merukanhi bhal ki kahai kou tahi, 23(ga)
24.5
Doha/soratha
जद्यपि लघुता राम कहुँ तोहि बधें बड़ दोष।
तदपि कठिन दसकंठ सुनु छत्र जाति कर रोष ॥23(घ)॥
Jadyapi laghuta ram kahun tohi badhen bar dosh
Tadapi kathin dasakanth sunu chhatra jati kar rosh, 23(gh)
24.6
Doha/soratha
बक्र उक्ति धनु बचन सर हृदय दहेउ रिपु कीस।
प्रतिउत्तर सड़सिन्ह मनहुँ काढ़त भट दससीस ॥23(ङ)॥
Bakra ukti dhanu bachan sar hriday daheu ripu kis
Pratiuttar sarasinha manahun karhat bhat dasasis, 23(ng)
24.7
Doha/soratha
हँसि बोलेउ दसमौलि तब कपि कर बड़ गुन एक।
जो प्रतिपालइ तासु हित करइ उपाय अनेक ॥23(छ)॥
Hansi boleu dasamauli tab kapi kar bar gun ek
Jo pratipalai tasu hit karai upaya anek, 23(chh)