UtshovDoha 23
23.1
Chaupai
सिव बिरंचि सुर मुनि समुदाई। चाहत जासु चरन सेवकाई।।
तासु दूत होइ हम कुल बोरा। अइसिहुँ मति उर बिहर न तोरा।।
सुनि कठोर बानी कपि केरी। कहत दसानन नयन तरेरी।।
खल तव कठिन बचन सब सहऊँ। नीति धर्म मैं जानत अहऊँ।।
कह कपि धर्मसीलता तोरी। हमहुँ सुनी कृत पर त्रिय चोरी।।
देखी नयन दूत रखवारी। बूड़ि न मरहु धर्म ब्रतधारी।।
कान नाक बिनु भगिनि निहारी। छमा कीन्हि तुम्ह धर्म बिचारी।।
धर्मसीलता तव जग जागी। पावा दरसु हमहुँ बड़भागी।।
Siv biranchi sur muni samudai, chahat jasu charan sevakai
Tasu dut hoi ham kul bora, aisihun mati ur bihar na tora
Suni kathor bani kapi keri, kahat dasanan nayan tareri
Khal tav kathin bachan sab sahaum, niti dharma main janat ahaum
Kah kapi dharmasilata tori, hamahun suni krit par triy chori
Dekhi nayan dut rakhavari, buri na marahu dharma bratadhari
Kan nak binu bhagini nihari, chhama kinhi tumha dharma bichari
Dharmasilata tav jag jagi, pava darasu hamahun barabhagi
23.2
Doha/soratha
जनि जल्पसि जड़ जंतु कपि सठ बिलोकु मम बाहु।
लोकपाल बल बिपुल ससि ग्रसन हेतु सब राहु ॥22(क)॥
Jani jalpasi jar jantu kapi sath biloku mam bahu
Lokapal bal bipul sasi grasan hetu sab rahu, 22(ka)
23.3
Doha/soratha
पुनि नभ सर मम कर निकर कमलन्हि पर करि बास।
सोभत भयउ मराल इव संभु सहित कैलास ॥22(ख)॥
Puni nabh sar mam kar nikar kamalanhi par kari bas
Sobhat bhayau maral iv sambhu sahit kailas, 22(kh)