UtshovDoha 22
22.1
Chaupai
रे कपिपोत बोलु संभारी। मूढ़ न जानेहि मोहि सुरारी।।
कहु निज नाम जनक कर भाई। केहि नातें मानिऐ मिताई।।
अंगद नाम बालि कर बेटा। तासों कबहुँ भई ही भेटा।।
अंगद बचन सुनत सकुचाना। रहा बालि बानर मैं जाना।।
अंगद तहीं बालि कर बालक। उपजेहु बंस अनल कुल घालक।।
गर्भ न गयहु ब्यर्थ तुम्ह जायहु। निज मुख तापस दूत कहायहु।।
अब कहु कुसल बालि कहँ अहई। बिहँसि बचन तब अंगद कहई।।
दिन दस गएँ बालि पहिं जाई। बूझेहु कुसल सखा उर लाई।।
राम बिरोध कुसल जसि होई। सो सब तोहि सुनाइहि सोई।।
सुनु सठ भेद होइ मन ताकें। श्रीरघुबीर हृदय नहिं जाकें।।
Re kapipot bolu sambhari, murh na janehi mohi surari
Kahu nij nam janak kar bhai, kehi naten maniai mitai
Angad nam bali kar beta, tason kabahun bhai hi bheta
Angad bachan sunat sakuchana, raha bali banar main jana
Angad tahin bali kar balak, upajehu bans anal kul ghalak
Garbha na gayahu byartha tumha jayahu, nij mukh tapas dut kahayahu
Ab kahu kusal bali kaham ahai, bihansi bachan tab angad kahai
Din das gaem bali pahin jai, bujhehu kusal sakha ur lai
Ram birodh kusal jasi hoi, so sab tohi sunaihi soi
Sunu sath bhed hoi man taken, shriraghubir hriday nahin jaken
22.2
Doha/soratha
हम कुल घालक सत्य तुम्ह कुल पालक दससीस।
अंधउ बधिर न अस कहहिं नयन कान तव बीस ॥21॥
Ham kul ghalak satya tumha kul palak dasasis
Andhau badhir na as kahahin nayan kan tav bis