UtshovDoha 21
21.1
Chaupai
कह दसकंठ कवन तैं बंदर। मैं रघुबीर दूत दसकंधर।।
मम जनकहि तोहि रही मिताई। तव हित कारन आयउँ भाई।।
उत्तम कुल पुलस्ति कर नाती। सिव बिरंचि पूजेहु बहु भाँती।।
बर पायहु कीन्हेहु सब काजा। जीतेहु लोकपाल सब राजा।।
नृप अभिमान मोह बस किंबा। हरि आनिहु सीता जगदंबा।।
अब सुभ कहा सुनहु तुम्ह मोरा। सब अपराध छमिहि प्रभु तोरा।।
दसन गहहु तृन कंठ कुठारी। परिजन सहित संग निज नारी।।
सादर जनकसुता करि आगें। एहि बिधि चलहु सकल भय त्यागें।।
Kah dasakanth kavan tain bandar, main raghubir dut dasakandhar
Mam janakahi tohi rahi mitai, tav hit karan ayaum bhai
Uttam kul pulasti kar nati, siv biranchi pujehu bahu bhanti
Bar payahu kinhehu sab kaja, jitehu lokapal sab raja
Nrip abhiman moh bas kimba, hari anihu sita jagadamba
Ab subh kaha sunahu tumha mora, sab aparadh chhamihi prabhu tora
Dasan gahahu trin kanth kuthari, parijan sahit sang nij nari
Sadar janakasuta kari agen, ehi bidhi chalahu sakal bhay tyagen
21.2
Doha/soratha
प्रनतपाल रघुबंसमनि त्राहि त्राहि अब मोहि।
आरत गिरा सुनत प्रभु अभय करैगो तोहि ॥20॥
Pranatapal raghubansamani trahi trahi ab mohi
Arat gira sunat prabhu abhay karaigo tohi