UtshovDoha 20
20.1
Chaupai
तुरत निसाचर एक पठावा। समाचार रावनहि जनावा।।
सुनत बिहँसि बोला दससीसा। आनहु बोलि कहाँ कर कीसा।।
आयसु पाइ दूत बहु धाए। कपिकुंजरहि बोलि लै आए।।
अंगद दीख दसानन बैंसें। सहित प्रान कज्जलगिरि जैसें।।
भुजा बिटप सिर सृंग समाना। रोमावली लता जनु नाना।।
मुख नासिका नयन अरु काना। गिरि कंदरा खोह अनुमाना।।
गयउ सभाँ मन नेकु न मुरा। बालितनय अतिबल बाँकुरा।।
उठे सभासद कपि कहुँ देखी। रावन उर भा क्रौध बिसेषी।।
Turat nisachar ek pathava, samachar ravanahi janava
Sunat bihansi bola dasasisa, anahu boli kahan kar kisa
Ayasu pai dut bahu dhae, kapikunjarahi boli lai ae
Angad dikh dasanan bainsen, sahit pran kajjalagiri jaisen
Bhuja bitap sir sring samana, romavali lata janu nana
Mukh nasika nayan aru kana, giri kandara khoh anumana
Gayau sabhan man neku na mura, balitanay atibal bankura
Uthe sabhasad kapi kahun dekhi, ravan ur bha kraudh biseshi
20.2
Doha/soratha
जथा मत्त गज जूथ महुँ पंचानन चलि जाइ।
राम प्रताप सुमिरि मन बैठ सभाँ सिरु नाइ ॥19॥
Jatha matta gaj juth mahun panchanan chali jai
Ram pratap sumiri man baith sabhan siru nai