UtshovDoha 19
19.1
Chaupai
बंदि चरन उर धरि प्रभुताई। अंगद चलेउ सबहि सिरु नाई।।
प्रभु प्रताप उर सहज असंका। रन बाँकुरा बालिसुत बंका।।
पुर पैठत रावन कर बेटा। खेलत रहा सो होइ गै भैंटा।।
बातहिं बात करष बढ़ि आई। जुगल अतुल बल पुनि तरुनाई।।
तेहि अंगद कहुँ लात उठाई। गहि पद पटकेउ भूमि भवाँई।।
निसिचर निकर देखि भट भारी। जहँ तहँ चले न सकहिं पुकारी।।
एक एक सन मरमु न कहहीं। समुझि तासु बध चुप करि रहहीं।।
भयउ कोलाहल नगर मझारी। आवा कपि लंका जेहीं जारी।।
अब धौं कहा करिहि करतारा। अति सभीत सब करहिं बिचारा।।
बिनु पूछें मगु देहिं दिखाई। जेहि बिलोक सोइ जाइ सुखाई।।
Bandi charan ur dhari prabhutai, angad chaleu sabahi siru nai
Prabhu pratap ur sahaj asanka, ran bankura balisut banka
Pur paithat ravan kar beta, khelat raha so hoi gai bhainta
Batahin bat karash barhi ai, jugal atul bal puni tarunai
Tehi angad kahun lat uthai, gahi pad patakeu bhumi bhavani
Nisichar nikar dekhi bhat bhari, jaham taham chale na sakahin pukari
Ek ek san maramu na kahahin, samujhi tasu badh chup kari rahahin
Bhayau kolahal nagar majhari, ava kapi lanka jehin jari
Ab dhaun kaha karihi karatara, ati sabhit sab karahin bichara
Binu puchhen magu dehin dikhai, jehi bilok soi jai sukhai
19.2
Doha/soratha
गयउ सभा दरबार तब सुमिरि राम पद कंज।
सिंह ठवनि इत उत चितव धीर बीर बल पुंज ॥18॥
Gayau sabha darabar tab sumiri ram pad kanj
Sinh thavani it ut chitav dhir bir bal punj