UtshovDoha 18
18.1
Chaupai
इहाँ प्रात जागे रघुराई। पूछा मत सब सचिव बोलाई।।
कहहु बेगि का करिअ उपाई। जामवंत कह पद सिरु नाई।।
सुनु सर्बग्य सकल उर बासी। बुधि बल तेज धर्म गुन रासी।।
मंत्र कहउँ निज मति अनुसारा। दूत पठाइअ बालिकुमारा।।
नीक मंत्र सब के मन माना। अंगद सन कह कृपानिधाना।।
बालितनय बुधि बल गुन धामा। लंका जाहु तात मम कामा।।
बहुत बुझाइ तुम्हहि का कहऊँ। परम चतुर मैं जानत अहऊँ।।
काजु हमार तासु हित होई। रिपु सन करेहु बतकही सोई।।
Ihan prat jage raghurai, puchha mat sab sachiv bolai
Kahahu begi ka karia upai, jamavant kah pad siru nai
Sunu sarbagya sakal ur basi, budhi bal tej dharma gun rasi
Mantra kahaum nij mati anusara, dut pathaia balikumara
Nik mantra sab ke man mana, angad san kah kripanidhana
Balitanay budhi bal gun dhama, lanka jahu tat mam kama
Bahut bujhai tumhahi ka kahaum, param chatur main janat ahaum
Kaju hamar tasu hit hoi, ripu san karehu batakahi soi
18.2
Doha/soratha
प्रभु अग्या धरि सीस चरन बंदि अंगद उठेउ।
सोइ गुन सागर ईस राम कृपा जा पर करहु ॥17(क)॥
Prabhu agya dhari sis charan bandi angad utheu
Soi gun sagar is ram kripa ja par karahu, 17(ka)
18.3
Doha/soratha
स्वयं सिद्ध सब काज नाथ मोहि आदरु दियउ।
अस बिचारि जुबराज तन पुलकित हरषित हियउ ॥17(ख)॥
Svayam siddha sab kaj nath mohi adaru diyau
As bichari jubaraj tan pulakit harashit hiyau, 17(kh)