UtshovDoha 17
17.1
Chaupai
बिहँसा नारि बचन सुनि काना। अहो मोह महिमा बलवाना।।
नारि सुभाउ सत्य सब कहहीं। अवगुन आठ सदा उर रहहीं।।
साहस अनृत चपलता माया। भय अबिबेक असौच अदाया।।
रिपु कर रुप सकल तैं गावा। अति बिसाल भय मोहि सुनावा।।
सो सब प्रिया सहज बस मोरें। समुझि परा प्रसाद अब तोरें।।
जानिउँ प्रिया तोरि चतुराई। एहि बिधि कहहु मोरि प्रभुताई।।
तव बतकही गूढ़ मृगलोचनि। समुझत सुखद सुनत भय मोचनि।।
मंदोदरि मन महुँ अस ठयऊ। पियहि काल बस मतिभ्रम भयऊ।।
Bihansa nari bachan suni kana, aho moh mahima balavana
Nari subhau satya sab kahahin, avagun ath sada ur rahahin
Sahas anrit chapalata maya, bhay abibek asauch adaya
Ripu kar rup sakal tain gava, ati bisal bhay mohi sunava
So sab priya sahaj bas moren, samujhi para prasad ab toren
Janium priya tori chaturai, ehi bidhi kahahu mori prabhutai
Tav batakahi gurh mrigalochani, samujhat sukhad sunat bhay mochani
Mandodari man mahun as thayau, piyahi kal bas matibhram bhayau
17.2
Doha/soratha
एहि बिधि करत बिनोद बहु प्रात प्रगट दसकंध।
सहज असंक लंकपति सभाँ गयउ मद अंध ॥16(क)॥
Ehi bidhi karat binod bahu prat pragat dasakandh
Sahaj asank lankapati sabhan gayau mad andh, 16(ka)
17.3
Doha/soratha
फूलह फरइ न बेत जदपि सुधा बरषहिं जलद।
मूरुख हृदयँ न चेत जौं गुर मिलहिं बिरंचि सम ॥16(ख)॥
Phulah pharai na bet jadapi sudha barashahin jalad
Murukh hridayam na chet jaun gur milahin biranchi sam, 16(kh)