UtshovDoha 16
16.1
Chaupai
पद पाताल सीस अज धामा। अपर लोक अँग अँग बिश्रामा।।
भृकुटि बिलास भयंकर काला। नयन दिवाकर कच घन माला।।
जासु घ्रान अस्विनीकुमारा। निसि अरु दिवस निमेष अपारा।।
श्रवन दिसा दस बेद बखानी। मारुत स्वास निगम निज बानी।।
अधर लोभ जम दसन कराला। माया हास बाहु दिगपाला।।
आनन अनल अंबुपति जीहा। उतपति पालन प्रलय समीहा।।
रोम राजि अष्टादस भारा। अस्थि सैल सरिता नस जारा।।
उदर उदधि अधगो जातना। जगमय प्रभु का बहु कलपना।।
Pad patal sis aj dhama, apar lok ang ang bishrama
Bhrikuti bilas bhayankar kala, nayan divakar kach ghan mala
Jasu ghran asvinikumara, nisi aru divas nimesh apara
Shravan disa das bed bakhani, marut svas nigam nij bani
Adhar lobh jam dasan karala, maya has bahu digapala
Anan anal ambupati jiha, utapati palan pralay samiha
Rom raji ashtadas bhara, asthi sail sarita nas jara
Udar udadhi adhago jatana, jagamay prabhu ka bahu kalapana
16.2
Doha/soratha
अहंकार सिव बुद्धि अज मन ससि चित्त महान।
मनुज बास सचराचर रुप राम भगवान ॥15(क)॥
Ahankar siv buddhi aj man sasi chitta mahan
Manuj bas sacharachar rup ram bhagavan, 15(ka)
16.3
Doha/soratha
अस बिचारि सुनु प्रानपति प्रभु सन बयरु बिहाइ।
प्रीति करहु रघुबीर पद मम अहिवात न जाइ ॥15(ख)॥
As bichari sunu pranapati prabhu san bayaru bihai
Priti karahu raghubir pad mam ahivat na jai, 15(kh)