UtshovDoha 15
15.1
Chaupai
कंप न भूमि न मरुत बिसेषा। अस्त्र सस्त्र कछु नयन न देखा।।
सोचहिं सब निज हृदय मझारी। असगुन भयउ भयंकर भारी।।
दसमुख देखि सभा भय पाई। बिहसि बचन कह जुगुति बनाई।।
सिरउ गिरे संतत सुभ जाही। मुकुट परे कस असगुन ताही।।
सयन करहु निज निज गृह जाई। गवने भवन सकल सिर नाई।।
मंदोदरी सोच उर बसेऊ। जब ते श्रवनपूर महि खसेऊ।।
सजल नयन कह जुग कर जोरी। सुनहु प्रानपति बिनती मोरी।।
कंत राम बिरोध परिहरहू। जानि मनुज जनि हठ मन धरहू।।
Kamp na bhumi na marut bisesha, astra sastra kachhu nayan na dekha
Sochahin sab nij hriday majhari, asagun bhayau bhayankar bhari
Dasamukh dekhi sabha bhay pai, bihasi bachan kah juguti banai
Sirau gire santat subh jahi, mukut pare kas asagun tahi
Sayan karahu nij nij grih jai, gavane bhavan sakal sir nai
Mandodari soch ur baseu, jab te shravanapur mahi khaseu
Sajal nayan kah jug kar jori, sunahu pranapati binati mori
Kant ram birodh pariharahu, jani manuj jani hath man dharahu
15.2
Doha/soratha
बिस्वरुप रघुबंस मनि करहु बचन बिस्वासु।
लोक कल्पना बेद कर अंग अंग प्रति जासु ॥14॥
Bisvarup raghubans mani karahu bachan bisvasu
Lok kalpana bed kar ang ang prati jasu