UtshovDoha 14
14.1
Chaupai
देखु बिभीषन दच्छिन आसा। घन घंमड दामिनि बिलासा।।
मधुर मधुर गरजइ घन घोरा। होइ बृष्टि जनि उपल कठोरा।।
कहत बिभीषन सुनहु कृपाला। होइ न तड़ित न बारिद माला।।
लंका सिखर उपर आगारा। तहँ दसकंघर देख अखारा।।
छत्र मेघडंबर सिर धारी। सोइ जनु जलद घटा अति कारी।।
मंदोदरी श्रवन ताटंका। सोइ प्रभु जनु दामिनी दमंका।।
बाजहिं ताल मृदंग अनूपा। सोइ रव मधुर सुनहु सुरभूपा।।
प्रभु मुसुकान समुझि अभिमाना। चाप चढ़ाइ बान संधाना।।
Dekhu bibhishan dachchhin asa, ghan ghammad damini bilasa
Madhur madhur garajai ghan ghora, hoi brishti jani upal kathora
Kahat bibhishan sunahu kripala, hoi na tarit na barid mala
Lanka sikhar upar agara, taham dasakanghar dekh akhara
Chhatra meghadambar sir dhari, soi janu jalad ghata ati kari
Mandodari shravan tatanka, soi prabhu janu damini damanka
Bajahin tal mridang anupa, soi rav madhur sunahu surabhupa
Prabhu musukan samujhi abhimana, chap charhai ban sandhana
14.2
Doha/soratha
छत्र मुकुट ताटंक तब हते एकहीं बान।
सबकें देखत महि परे मरमु न कोऊ जान ॥13(क)॥
Chhatra mukut tatank tab hate ekahin ban
Sabaken dekhat mahi pare maramu na kou jan, 13(ka)
14.3
Doha/soratha
अस कौतुक करि राम सर प्रबिसेउ आइ निषंग।
रावन सभा ससंक सब देखि महा रसभंग ॥13(ख)॥
As kautuk kari ram sar prabiseu ai nishang
Ravan sabha sasank sab dekhi maha rasabhang, 13(kh)