UtshovDoha 26
26.1
Chaupai
सुनु सठ सोइ रावन बलसीला। हरगिरि जान जासु भुज लीला।।
जान उमापति जासु सुराई। पूजेउँ जेहि सिर सुमन चढ़ाई।।
सिर सरोज निज करन्हि उतारी। पूजेउँ अमित बार त्रिपुरारी।।
भुज बिक्रम जानहिं दिगपाला। सठ अजहूँ जिन्ह कें उर साला।।
जानहिं दिग्गज उर कठिनाई। जब जब भिरउँ जाइ बरिआई।।
जिन्ह के दसन कराल न फूटे। उर लागत मूलक इव टूटे।।
जासु चलत डोलति इमि धरनी। चढ़त मत्त गज जिमि लघु तरनी।।
सोइ रावन जग बिदित प्रतापी। सुनेहि न श्रवन अलीक प्रलापी।।
Sunu sath soi ravan balasila, haragiri jan jasu bhuj lila
Jan umapati jasu surai, pujeum jehi sir suman charhai
Sir saroj nij karanhi utari, pujeum amit bar tripurari
Bhuj bikram janahin digapala, sath ajahun jinha ken ur sala
Janahin diggaj ur kathinai, jab jab bhiraum jai bariai
Jinha ke dasan karal na phute, ur lagat mulak iv tute
Jasu chalat dolati imi dharani, charhat matta gaj jimi laghu tarani
Soi ravan jag bidit pratapi, sunehi na shravan alik pralapi
26.2
Doha/soratha
तेहि रावन कहँ लघु कहसि नर कर करसि बखान।
रे कपि बर्बर खर्ब खल अब जाना तव ग्यान ॥25॥
Tehi ravan kaham laghu kahasi nar kar karasi bakhan
Re kapi barbar kharba khal ab jana tav gyan