UtshovDoha 118
118.1
Chaupai
सुनत बिभीषन बचन राम के। हरषि गहे पद कृपाधाम के।।
बानर भालु सकल हरषाने। गहि प्रभु पद गुन बिमल बखाने।।
बहुरि बिभीषन भवन सिधायो। मनि गन बसन बिमान भरायो।।
लै पुष्पक प्रभु आगें राखा। हँसि करि कृपासिंधु तब भाषा।।
चढ़ि बिमान सुनु सखा बिभीषन। गगन जाइ बरषहु पट भूषन।।
नभ पर जाइ बिभीषन तबही। बरषि दिए मनि अंबर सबही।।
जोइ जोइ मन भावइ सोइ लेहीं। मनि मुख मेलि डारि कपि देहीं।।
हँसे रामु श्री अनुज समेता। परम कौतुकी कृपा निकेता।।
Sunat bibhishan bachan ram ke, harashi gahe pad kripadham ke
Banar bhalu sakal harashane, gahi prabhu pad gun bimal bakhane
Bahuri bibhishan bhavan sidhayo, mani gan basan biman bharayo
Lai pushpak prabhu agen rakha, hansi kari kripasindhu tab bhasha
Charhi biman sunu sakha bibhishan, gagan jai barashahu pat bhushan
Nabh par jai bibhishan tabahi, barashi die mani ambar sabahi
Joi joi man bhavai soi lehin, mani mukh meli dari kapi dehin
Hanse ramu shri anuj sameta, param kautuki kripa niketa
118.2
Doha/soratha
मुनि जेहि ध्यान न पावहिं नेति नेति कह बेद।
कृपासिंधु सोइ कपिन्ह सन करत अनेक बिनोद ॥117(क)॥
Muni jehi dhyan na pavahin neti neti kah bed
Kripasindhu soi kapinha san karat anek binod, 117(ka)
118.3
Doha/soratha
उमा जोग जप दान तप नाना मख ब्रत नेम।
राम कृपा नहि करहिं तसि जसि निष्केवल प्रेम ॥117(ख)॥
Uma jog jap dan tap nana makh brat nem
Ram kripa nahi karahin tasi jasi nishkeval prem, 117(kh)