UtshovDoha 119
119.1
Chaupai
भालु कपिन्ह पट भूषन पाए। पहिरि पहिरि रघुपति पहिं आए।।
नाना जिनस देखि सब कीसा। पुनि पुनि हँसत कोसलाधीसा।।
चितइ सबन्हि पर कीन्हि दाया। बोले मृदुल बचन रघुराया।।
तुम्हरें बल मैं रावनु मार् यो। तिलक बिभीषन कहँ पुनि सार् यो।।
निज निज गृह अब तुम्ह सब जाहू। सुमिरेहु मोहि डरपहु जनि काहू।।
सुनत बचन प्रेमाकुल बानर। जोरि पानि बोले सब सादर।।
प्रभु जोइ कहहु तुम्हहि सब सोहा। हमरे होत बचन सुनि मोहा।।
दीन जानि कपि किए सनाथा। तुम्ह त्रेलोक ईस रघुनाथा।।
सुनि प्रभु बचन लाज हम मरहीं। मसक कहूँ खगपति हित करहीं।।
देखि राम रुख बानर रीछा। प्रेम मगन नहिं गृह कै ईछा।।
Bhalu kapinha pat bhushan pae, pahiri pahiri raghupati pahin ae
Nana jinas dekhi sab kisa, puni puni hansat kosaladhisa
Chitai sabanhi par kinhi daya, bole mridul bachan raghuraya
Tumharen bal main ravanu mar yo, tilak bibhishan kaham puni sar yo
Nij nij grih ab tumha sab jahu, sumirehu mohi darapahu jani kahu
Sunat bachan premakul banar, jori pani bole sab sadar
Prabhu joi kahahu tumhahi sab soha, hamare hot bachan suni moha
Din jani kapi kie sanatha, tumha trelok is raghunatha
Suni prabhu bachan laj ham marahin, masak kahun khagapati hit karahin
Dekhi ram rukh banar richha, prem magan nahin grih kai ichha
119.2
Doha/soratha
प्रभु प्रेरित कपि भालु सब राम रूप उर राखि।
हरष बिषाद सहित चले बिनय बिबिध बिधि भाषि ॥118(क)॥
Prabhu prerit kapi bhalu sab ram rup ur rakhi
Harash bishad sahit chale binay bibidh bidhi bhashi, 118(ka)
119.3
Doha/soratha
कपिपति नील रीछपति अंगद नल हनुमान।
सहित बिभीषन अपर जे जूथप कपि बलवान ॥118(ख)॥
Kapipati nil richhapati angad nal hanuman
Sahit bibhishan apar je juthap kapi balavan, 118(kh)
119.4
Doha/soratha
कहि न सकहिं कछु प्रेम बस भरि भरि लोचन बारि।
सन्मुख चितवहिं राम तन नयन निमेष निवारि ॥118(ग)॥
Kahi na sakahin kachhu prem bas bhari bhari lochan bari
Sanmukh chitavahin ram tan nayan nimesh nivari, 118(ga)