UtshovDoha 117
117.1
Chaupai
करि बिनती जब संभु सिधाए। तब प्रभु निकट बिभीषनु आए।।
नाइ चरन सिरु कह मृदु बानी। बिनय सुनहु प्रभु सारँगपानी।।
सकुल सदल प्रभु रावन मार् यो। पावन जस त्रिभुवन बिस्तार् यो।।
दीन मलीन हीन मति जाती। मो पर कृपा कीन्हि बहु भाँती।।
अब जन गृह पुनीत प्रभु कीजे। मज्जनु करिअ समर श्रम छीजे।।
देखि कोस मंदिर संपदा। देहु कृपाल कपिन्ह कहुँ मुदा।।
सब बिधि नाथ मोहि अपनाइअ। पुनि मोहि सहित अवधपुर जाइअ।।
सुनत बचन मृदु दीनदयाला। सजल भए द्वौ नयन बिसाला।।
Kari binati jab sambhu sidhae, tab prabhu nikat bibhishanu ae
Nai charan siru kah mridu bani, binay sunahu prabhu sarangapani
Sakul sadal prabhu ravan mar yo, pavan jas tribhuvan bistar yo
Din malin hin mati jati, mo par kripa kinhi bahu bhanti
Ab jan grih punit prabhu kije, majjanu karia samar shram chhije
Dekhi kos mandir sampada, dehu kripal kapinha kahun muda
Sab bidhi nath mohi apanaia, puni mohi sahit avadhapur jaia
Sunat bachan mridu dinadayala, sajal bhae dvau nayan bisala
117.2
Doha/soratha
तोर कोस गृह मोर सब सत्य बचन सुनु भ्रात।
भरत दसा सुमिरत मोहि निमिष कल्प सम जात ॥116(क)॥
Tor kos grih mor sab satya bachan sunu bhrat
Bharat dasa sumirat mohi nimish kalpa sam jat, 116(ka)
117.3
Doha/soratha
तापस बेष गात कृस जपत निरंतर मोहि।
देखौं बेगि सो जतनु करु सखा निहोरउँ तोहि ॥116(ख)॥
Tapas besh gat kris japat nirantar mohi
Dekhaun begi so jatanu karu sakha nihoraum tohi, 116(kh)
117.4
Doha/soratha
बीतें अवधि जाउँ जौं जिअत न पावउँ बीर।
सुमिरत अनुज प्रीति प्रभु पुनि पुनि पुलक सरीर ॥116(ग)॥
Biten avadhi jaum jaun jiat na pavaum bir
Sumirat anuj priti prabhu puni puni pulak sarir, 116(ga)
117.5
Doha/soratha
करेहु कल्प भरि राजु तुम्ह मोहि सुमिरेहु मन माहिं।
पुनि मम धाम पाइहहु जहाँ संत सब जाहिं ॥116(घ)॥
Karehu kalpa bhari raju tumha mohi sumirehu man mahin
Puni mam dham paihahu jahan sant sab jahin, 116(gh)