UtshovDoha 42
42.1
Chaupai
अस कहि चला बिभीषनु जबहीं। आयूहीन भए सब तबहीं।।
साधु अवग्या तुरत भवानी। कर कल्यान अखिल कै हानी।।
रावन जबहिं बिभीषन त्यागा। भयउ बिभव बिनु तबहिं अभागा।।
चलेउ हरषि रघुनायक पाहीं। करत मनोरथ बहु मन माहीं।।
देखिहउँ जाइ चरन जलजाता। अरुन मृदुल सेवक सुखदाता।।
जे पद परसि तरी रिषिनारी। दंडक कानन पावनकारी।।
जे पद जनकसुताँ उर लाए। कपट कुरंग संग धर धाए।।
हर उर सर सरोज पद जेई। अहोभाग्य मै देखिहउँ तेई।।
As kahi chala bibhishanu jabahin, ayuhin bhae sab tabahin
Sadhu avagya turat bhavani, kar kalyan akhil kai hani
Ravan jabahin bibhishan tyaga, bhayau bibhav binu tabahin abhaga
Chaleu harashi raghunayak pahin, karat manorath bahu man mahin
Dekhihaum jai charan jalajata, arun mridul sevak sukhadata
Je pad parasi tari rishinari, dandak kanan pavanakari
Je pad janakasutan ur lae, kapat kurang sang dhar dhae
Har ur sar saroj pad jei, ahobhagya mai dekhihaum tei
42.2
Doha/soratha
जिन्ह पायन्ह के पादुकन्हि भरतु रहे मन लाइ।
ते पद आजु बिलोकिहउँ इन्ह नयनन्हि अब जाइ ॥42॥
Jinha payanha ke padukanhi bharatu rahe man lai
Te pad aju bilokihaum inha nayananhi ab jai