UtshovDoha 41
41.1
Chaupai
बुध पुरान श्रुति संमत बानी। कही बिभीषन नीति बखानी।।
सुनत दसानन उठा रिसाई। खल तोहि निकट मुत्यु अब आई।।
जिअसि सदा सठ मोर जिआवा। रिपु कर पच्छ मूढ़ तोहि भावा।।
कहसि न खल अस को जग माहीं। भुज बल जाहि जिता मैं नाही।।
मम पुर बसि तपसिन्ह पर प्रीती। सठ मिलु जाइ तिन्हहि कहु नीती।।
अस कहि कीन्हेसि चरन प्रहारा। अनुज गहे पद बारहिं बारा।।
उमा संत कइ इहइ बड़ाई। मंद करत जो करइ भलाई।।
तुम्ह पितु सरिस भलेहिं मोहि मारा। रामु भजें हित नाथ तुम्हारा।।
सचिव संग लै नभ पथ गयऊ। सबहि सुनाइ कहत अस भयऊ।।
Budh puran shruti sammat bani, kahi bibhishan niti bakhani
Sunat dasanan utha risai, khal tohi nikat mutyu ab ai
Jiasi sada sath mor jiava, ripu kar pachchha murh tohi bhava
Kahasi na khal as ko jag mahin, bhuj bal jahi jita main nahi
Mam pur basi tapasinha par priti, sath milu jai tinhahi kahu niti
As kahi kinhesi charan prahara, anuj gahe pad barahin bara
Uma sant kai ihai barai, mand karat jo karai bhalai
Tumha pitu saris bhalehin mohi mara, ramu bhajen hit nath tumhara
Sachiv sang lai nabh path gayau, sabahi sunai kahat as bhayau
41.2
Doha/soratha
रामु सत्यसंकल्प प्रभु सभा कालबस तोरि।
मै रघुबीर सरन अब जाउँ देहु जनि खोरि ॥41॥
Ramu satyasankalpa prabhu sabha kalabas tori
Mai raghubir saran ab jaum dehu jani khori