UtshovDoha 43
43.1
Chaupai
एहि बिधि करत सप्रेम बिचारा। आयउ सपदि सिंधु एहिं पारा।।
कपिन्ह बिभीषनु आवत देखा। जाना कोउ रिपु दूत बिसेषा।।
ताहि राखि कपीस पहिं आए। समाचार सब ताहि सुनाए।।
कह सुग्रीव सुनहु रघुराई। आवा मिलन दसानन भाई।।
कह प्रभु सखा बूझिऐ काहा। कहइ कपीस सुनहु नरनाहा।।
जानि न जाइ निसाचर माया। कामरूप केहि कारन आया।।
भेद हमार लेन सठ आवा। राखिअ बाँधि मोहि अस भावा।।
सखा नीति तुम्ह नीकि बिचारी। मम पन सरनागत भयहारी।।
सुनि प्रभु बचन हरष हनुमाना। सरनागत बच्छल भगवाना।।
Ehi bidhi karat saprem bichara, ayau sapadi sindhu ehin para
Kapinha bibhishanu avat dekha, jana kou ripu dut bisesha
Tahi rakhi kapis pahin ae, samachar sab tahi sunae
Kah sugriv sunahu raghurai, ava milan dasanan bhai
Kah prabhu sakha bujhiai kaha, kahai kapis sunahu naranaha
Jani na jai nisachar maya, kamarup kehi karan aya
Bhed hamar len sath ava, rakhia bandhi mohi as bhava
Sakha niti tumha niki bichari, mam pan saranagat bhayahari
Suni prabhu bachan harash hanumana, saranagat bachchhal bhagavana
43.2
Doha/soratha
सरनागत कहुँ जे तजहिं निज अनहित अनुमानि।
ते नर पावँर पापमय तिन्हहि बिलोकत हानि ॥43॥
Saranagat kahun je tajahin nij anahit anumani
Te nar pavanr papamay tinhahi bilokat hani