UtshovDoha 36
36.1
Chaupai
उहाँ निसाचर रहहिं ससंका। जब ते जारि गयउ कपि लंका।।
निज निज गृहँ सब करहिं बिचारा। नहिं निसिचर कुल केर उबारा।।
जासु दूत बल बरनि न जाई। तेहि आएँ पुर कवन भलाई।।
दूतन्हि सन सुनि पुरजन बानी। मंदोदरी अधिक अकुलानी।।
रहसि जोरि कर पति पग लागी। बोली बचन नीति रस पागी।।
कंत करष हरि सन परिहरहू। मोर कहा अति हित हियँ धरहु।।
समुझत जासु दूत कइ करनी। स्त्रवहीं गर्भ रजनीचर धरनी।।
तासु नारि निज सचिव बोलाई। पठवहु कंत जो चहहु भलाई।।
तब कुल कमल बिपिन दुखदाई। सीता सीत निसा सम आई।।
सुनहु नाथ सीता बिनु दीन्हें। हित न तुम्हार संभु अज कीन्हें।।
Uhan nisachar rahahin sasanka, jab te jari gayau kapi lanka
Nij nij griham sab karahin bichara, nahin nisichar kul ker ubara
Jasu dut bal barani na jai, tehi aem pur kavan bhalai
Dutanhi san suni purajan bani, mandodari adhik akulani
Rahasi jori kar pati pag lagi, boli bachan niti ras pagi
Kant karash hari san pariharahu, mor kaha ati hit hiyam dharahu
Samujhat jasu dut kai karani, stravahin garbha rajanichar dharani
Tasu nari nij sachiv bolai, pathavahu kant jo chahahu bhalai
Tab kul kamal bipin dukhadai, sita sit nisa sam ai
Sunahu nath sita binu dinhen, hit na tumhar sambhu aj kinhen
36.2
Doha/soratha
-राम बान अहि गन सरिस निकर निसाचर भेक।
जब लगि ग्रसत न तब लगि जतनु करहु तजि टेक ॥36॥
-Ram ban ahi gan saris nikar nisachar bhek
Jab lagi grasat na tab lagi jatanu karahu taji tek