UtshovDoha 35
35.1
Chaupai
प्रभु पद पंकज नावहिं सीसा। गरजहिं भालु महाबल कीसा।।
देखी राम सकल कपि सेना। चितइ कृपा करि राजिव नैना।।
राम कृपा बल पाइ कपिंदा। भए पच्छजुत मनहुँ गिरिंदा।।
हरषि राम तब कीन्ह पयाना। सगुन भए सुंदर सुभ नाना।।
जासु सकल मंगलमय कीती। तासु पयान सगुन यह नीती।।
प्रभु पयान जाना बैदेहीं। फरकि बाम अँग जनु कहि देहीं।।
जोइ जोइ सगुन जानकिहि होई। असगुन भयउ रावनहि सोई।।
चला कटकु को बरनैं पारा। गर्जहि बानर भालु अपारा।।
नख आयुध गिरि पादपधारी। चले गगन महि इच्छाचारी।।
केहरिनाद भालु कपि करहीं। डगमगाहिं दिग्गज चिक्करहीं।।
Prabhu pad pankaj navahin sisa, garajahin bhalu mahabal kisa
Dekhi ram sakal kapi sena, chitai kripa kari rajiv naina
Ram kripa bal pai kapinda, bhae pachchhajut manahun girinda
Harashi ram tab kinha payana, sagun bhae sundar subh nana
Jasu sakal mangalamay kiti, tasu payan sagun yah niti
Prabhu payan jana baidehin, pharaki bam ang janu kahi dehin
Joi joi sagun janakihi hoi, asagun bhayau ravanahi soi
Chala kataku ko baranain para, garjahi banar bhalu apara
Nakh ayudh giri padapadhari, chale gagan mahi ichchhachari
Keharinad bhalu kapi karahin, dagamagahin diggaj chikkarahin
35.2
Chhand
चिक्करहिं दिग्गज डोल महि गिरि लोल सागर खरभरे।
मन हरष सभ गंधर्ब सुर मुनि नाग किन्नर दुख टरे।।
कटकटहिं मर्कट बिकट भट बहु कोटि कोटिन्ह धावहीं।
जय राम प्रबल प्रताप कोसलनाथ गुन गन गावहीं ॥1॥
Chikkarahin diggaj dol mahi giri lol sagar kharabhare
Man harash sabh gandharba sur muni nag kinnar dukh tare
Katakatahin markat bikat bhat bahu koti kotinha dhavahin
Jay ram prabal pratap kosalanath gun gan gavahin
35.3
Chhand
सहि सक न भार उदार अहिपति बार बारहिं मोहई।
गह दसन पुनि पुनि कमठ पृष्ट कठोर सो किमि सोहई।।
रघुबीर रुचिर प्रयान प्रस्थिति जानि परम सुहावनी।
जनु कमठ खर्पर सर्पराज सो लिखत अबिचल पावनी ॥2॥
Sahi sak na bhar udar ahipati bar barahin mohai
Gah dasan puni puni kamath prishta kathor so kimi sohai
Raghubir ruchir prayan prasthiti jani param suhavani
Janu kamath kharpar sarparaj so likhat abichal pavani
35.4
Doha/soratha
एहि बिधि जाइ कृपानिधि उतरे सागर तीर।
जहँ तहँ लागे खान फल भालु बिपुल कपि बीर ॥35॥
Ehi bidhi jai kripanidhi utare sagar tir
Jaham taham lage khan phal bhalu bipul kapi bir