UtshovDoha 37
37.1
Chaupai
श्रवन सुनी सठ ता करि बानी। बिहसा जगत बिदित अभिमानी।।
सभय सुभाउ नारि कर साचा। मंगल महुँ भय मन अति काचा।।
जौं आवइ मर्कट कटकाई। जिअहिं बिचारे निसिचर खाई।।
कंपहिं लोकप जाकी त्रासा। तासु नारि सभीत बड़ि हासा।।
अस कहि बिहसि ताहि उर लाई। चलेउ सभाँ ममता अधिकाई।।
मंदोदरी हृदयँ कर चिंता। भयउ कंत पर बिधि बिपरीता।।
बैठेउ सभाँ खबरि असि पाई। सिंधु पार सेना सब आई।।
बूझेसि सचिव उचित मत कहहू। ते सब हँसे मष्ट करि रहहू।।
जितेहु सुरासुर तब श्रम नाहीं। नर बानर केहि लेखे माही।।
Shravan suni sath ta kari bani, bihasa jagat bidit abhimani
Sabhay subhau nari kar sacha, mangal mahun bhay man ati kacha
Jaun avai markat katakai, jiahin bichare nisichar khai
Kampahin lokap jaki trasa, tasu nari sabhit bari hasa
As kahi bihasi tahi ur lai, chaleu sabhan mamata adhikai
Mandodari hridayam kar chinta, bhayau kant par bidhi biparita
Baitheu sabhan khabari asi pai, sindhu par sena sab ai
Bujhesi sachiv uchit mat kahahu, te sab hanse mashta kari rahahu
Jitehu surasur tab shram nahin, nar banar kehi lekhe mahi
37.2
Doha/soratha
सचिव बैद गुर तीनि जौं प्रिय बोलहिं भय आस।
राज धर्म तन तीनि कर होइ बेगिहीं नास ॥37॥
Sachiv baid gur tini jaun priy bolahin bhay as
Raj dharma tan tini kar hoi begihin nas