UtshovDoha 30
30.1
Chaupai
जामवंत कह सुनु रघुराया। जा पर नाथ करहु तुम्ह दाया।।
ताहि सदा सुभ कुसल निरंतर। सुर नर मुनि प्रसन्न ता ऊपर।।
सोइ बिजई बिनई गुन सागर। तासु सुजसु त्रेलोक उजागर।।
प्रभु कीं कृपा भयउ सबु काजू। जन्म हमार सुफल भा आजू।।
नाथ पवनसुत कीन्हि जो करनी। सहसहुँ मुख न जाइ सो बरनी।।
पवनतनय के चरित सुहाए। जामवंत रघुपतिहि सुनाए।।
सुनत कृपानिधि मन अति भाए। पुनि हनुमान हरषि हियँ लाए।।
कहहु तात केहि भाँति जानकी। रहति करति रच्छा स्वप्रान की।।
Jamavant kah sunu raghuraya, ja par nath karahu tumha daya
Tahi sada subh kusal nirantar, sur nar muni prasanna ta upar
Soi bijai binai gun sagar, tasu sujasu trelok ujagar
Prabhu kin kripa bhayau sabu kaju, janma hamar suphal bha aju
Nath pavanasut kinhi jo karani, sahasahun mukh na jai so barani
Pavanatanay ke charit suhae, jamavant raghupatihi sunae
Sunat kripanidhi man ati bhae, puni hanuman harashi hiyam lae
Kahahu tat kehi bhanti janaki, rahati karati rachchha svapran ki
30.2
Doha/soratha
नाम पाहरु दिवस निसि ध्यान तुम्हार कपाट।
लोचन निज पद जंत्रित जाहिं प्रान केहिं बाट ॥30॥
Nam paharu divas nisi dhyan tumhar kapat
Lochan nij pad jantrit jahin pran kehin bat