UtshovDoha 31
31.1
Chaupai
चलत मोहि चूड़ामनि दीन्ही। रघुपति हृदयँ लाइ सोइ लीन्ही।।
नाथ जुगल लोचन भरि बारी। बचन कहे कछु जनककुमारी।।
अनुज समेत गहेहु प्रभु चरना। दीन बंधु प्रनतारति हरना।।
मन क्रम बचन चरन अनुरागी। केहि अपराध नाथ हौं त्यागी।।
अवगुन एक मोर मैं माना। बिछुरत प्रान न कीन्ह पयाना।।
नाथ सो नयनन्हि को अपराधा। निसरत प्रान करिहिं हठि बाधा।।
बिरह अगिनि तनु तूल समीरा। स्वास जरइ छन माहिं सरीरा।।
नयन स्त्रवहि जलु निज हित लागी। जरैं न पाव देह बिरहागी।
सीता के अति बिपति बिसाला। बिनहिं कहें भलि दीनदयाला।।
Chalat mohi churamani dinhi, raghupati hridayam lai soi linhi
Nath jugal lochan bhari bari, bachan kahe kachhu janakakumari
Anuj samet gahehu prabhu charana, din bandhu pranatarati harana
Man kram bachan charan anuragi, kehi aparadh nath haun tyagi
Avagun ek mor main mana, bichhurat pran na kinha payana
Nath so nayananhi ko aparadha, nisarat pran karihin hathi badha
Birah agini tanu tul samira, svas jarai chhan mahin sarira
Nayan stravahi jalu nij hit lagi, jarain na pav deh birahagi
Sita ke ati bipati bisala, binahin kahen bhali dinadayala
31.2
Doha/soratha
निमिष निमिष करुनानिधि जाहिं कलप सम बीति।
बेगि चलिय प्रभु आनिअ भुज बल खल दल जीति ॥31॥
Nimish nimish karunanidhi jahin kalap sam biti
Begi chaliy prabhu ania bhuj bal khal dal jiti