UtshovDoha 29
29.1
Chaupai
जौं न होति सीता सुधि पाई। मधुबन के फल सकहिं कि खाई।।
एहि बिधि मन बिचार कर राजा। आइ गए कपि सहित समाजा।।
आइ सबन्हि नावा पद सीसा। मिलेउ सबन्हि अति प्रेम कपीसा।।
पूँछी कुसल कुसल पद देखी। राम कृपाँ भा काजु बिसेषी।।
नाथ काजु कीन्हेउ हनुमाना। राखे सकल कपिन्ह के प्राना।।
सुनि सुग्रीव बहुरि तेहि मिलेऊ। कपिन्ह सहित रघुपति पहिं चलेऊ।
राम कपिन्ह जब आवत देखा। किएँ काजु मन हरष बिसेषा।।
फटिक सिला बैठे द्वौ भाई। परे सकल कपि चरनन्हि जाई।।
Jaun na hoti sita sudhi pai, madhuban ke phal sakahin ki khai
Ehi bidhi man bichar kar raja, ai gae kapi sahit samaja
Ai sabanhi nava pad sisa, mileu sabanhi ati prem kapisa
Punchhi kusal kusal pad dekhi, ram kripan bha kaju biseshi
Nath kaju kinheu hanumana, rakhe sakal kapinha ke prana
Suni sugriv bahuri tehi mileu, kapinha sahit raghupati pahin chaleu
Ram kapinha jab avat dekha, kiem kaju man harash bisesha
Phatik sila baithe dvau bhai, pare sakal kapi charananhi jai
29.2
Doha/soratha
प्रीति सहित सब भेटे रघुपति करुना पुंज।
पूँछी कुसल नाथ अब कुसल देखि पद कंज ॥29॥
Priti sahit sab bhete raghupati karuna punj
Punchhi kusal nath ab kusal dekhi pad kanj