UtshovDoha 41
41.1
Chaupai
बिकसे सरसिज नाना रंगा। मधुर मुखर गुंजत बहु भृंगा।।
बोलत जलकुक्कुट कलहंसा। प्रभु बिलोकि जनु करत प्रसंसा।।
चक्रवाक बक खग समुदाई। देखत बनइ बरनि नहिं जाई।।
सुन्दर खग गन गिरा सुहाई। जात पथिक जनु लेत बोलाई।।
ताल समीप मुनिन्ह गृह छाए। चहु दिसि कानन बिटप सुहाए।।
चंपक बकुल कदंब तमाला। पाटल पनस परास रसाला।।
नव पल्लव कुसुमित तरु नाना। चंचरीक पटली कर गाना।।
सीतल मंद सुगंध सुभाऊ। संतत बहइ मनोहर बाऊ।।
कुहू कुहू कोकिल धुनि करहीं। सुनि रव सरस ध्यान मुनि टरहीं।।
Bikase sarasij nana ranga, madhur mukhar gunjat bahu bhringa
Bolat jalakukkut kalahansa, prabhu biloki janu karat prasansa
Chakravak bak khag samudai, dekhat banai barani nahin jai
Sundar khag gan gira suhai, jat pathik janu let bolai
Tal samip muninha grih chhae, chahu disi kanan bitap suhae
Champak bakul kadamb tamala, patal panas paras rasala
Nav pallav kusumit taru nana, chancharik patali kar gana
Sital mand sugandh subhau, santat bahai manohar bau
Kuhu kuhu kokil dhuni karahin, suni rav saras dhyan muni tarahin
41.2
Doha/soratha
फल भारन नमि बिटप सब रहे भूमि निअराइ।
पर उपकारी पुरुष जिमि नवहिं सुसंपति पाइ ॥40॥
Phal bharan nami bitap sab rahe bhumi niarai
Par upakari purush jimi navahin susampati pai