UtshovDoha 40
40.1
Chaupai
गुनातीत सचराचर स्वामी। राम उमा सब अंतरजामी।।
कामिन्ह कै दीनता देखाई। धीरन्ह कें मन बिरति दृढ़ाई।।
क्रोध मनोज लोभ मद माया। छूटहिं सकल राम कीं दाया।।
सो नर इंद्रजाल नहिं भूला। जा पर होइ सो नट अनुकूला।।
उमा कहउँ मैं अनुभव अपना। सत हरि भजनु जगत सब सपना।।
पुनि प्रभु गए सरोबर तीरा। पंपा नाम सुभग गंभीरा।।
संत हृदय जस निर्मल बारी। बाँधे घाट मनोहर चारी।।
जहँ तहँ पिअहिं बिबिध मृग नीरा। जनु उदार गृह जाचक भीरा।।
Gunatit sacharachar svami, ram uma sab antarajami
Kaminha kai dinata dekhai, dhiranha ken man birati drirhai
Krodh manoj lobh mad maya, chhutahin sakal ram kin daya
So nar indrajal nahin bhula, ja par hoi so nat anukula
Uma kahaum main anubhav apana, sat hari bhajanu jagat sab sapana
Puni prabhu gae sarobar tira, pampa nam subhag gambhira
Sant hriday jas nirmal bari, bandhe ghat manohar chari
Jaham taham piahin bibidh mrig nira, janu udar grih jachak bhira
40.2
Doha/soratha
पुरइनि सबन ओट जल बेगि न पाइअ मर्म।
मायाछन्न न देखिऐ जैसे निर्गुन ब्रह्म ॥39(क)॥
Puraini saban ot jal begi na paia marma
Mayachhanna na dekhiai jaise nirgun brahma, 39(ka)
40.3
Doha/soratha
सुखि मीन सब एकरस अति अगाध जल माहिं।
जथा धर्मसीलन्ह के दिन सुख संजुत जाहिं ॥39(ख)॥
Sukhi min sab ekaras ati agadh jal mahin
Jatha dharmasilanha ke din sukh sanjut jahin, 39(kh)