UtshovDoha 42
42.1
Chaupai
देखि राम अति रुचिर तलावा। मज्जनु कीन्ह परम सुख पावा।।
देखी सुंदर तरुबर छाया। बैठे अनुज सहित रघुराया।।
तहँ पुनि सकल देव मुनि आए। अस्तुति करि निज धाम सिधाए।।
बैठे परम प्रसन्न कृपाला। कहत अनुज सन कथा रसाला।।
बिरहवंत भगवंतहि देखी। नारद मन भा सोच बिसेषी।।
मोर साप करि अंगीकारा। सहत राम नाना दुख भारा।।
ऐसे प्रभुहि बिलोकउँ जाई। पुनि न बनिहि अस अवसरु आई।।
यह बिचारि नारद कर बीना। गए जहाँ प्रभु सुख आसीना।।
गावत राम चरित मृदु बानी। प्रेम सहित बहु भाँति बखानी।।
करत दंडवत लिए उठाई। राखे बहुत बार उर लाई।।
स्वागत पूँछि निकट बैठारे। लछिमन सादर चरन पखारे।।
Dekhi ram ati ruchir talava, majjanu kinha param sukh pava
Dekhi sundar tarubar chhaya, baithe anuj sahit raghuraya
Taham puni sakal dev muni ae, astuti kari nij dham sidhae
Baithe param prasanna kripala, kahat anuj san katha rasala
Birahavant bhagavantahi dekhi, narad man bha soch biseshi
Mor sap kari angikara, sahat ram nana dukh bhara
Aise prabhuhi bilokaum jai, puni na banihi as avasaru ai
Yah bichari narad kar bina, gae jahan prabhu sukh asina
Gavat ram charit mridu bani, prem sahit bahu bhanti bakhani
Karat dandavat lie uthai, rakhe bahut bar ur lai
Svagat punchhi nikat baithare, lachhiman sadar charan pakhare
42.2
Doha/soratha
नाना बिधि बिनती करि प्रभु प्रसन्न जियँ जानि।
नारद बोले बचन तब जोरि सरोरुह पानि ॥41॥
Nana bidhi binati kari prabhu prasanna jiyam jani
Narad bole bachan tab jori saroruh pani