UtshovDoha 36
36.1
Chaupai
पानि जोरि आगें भइ ठाढ़ी। प्रभुहि बिलोकि प्रीति अति बाढ़ी।।
केहि बिधि अस्तुति करौ तुम्हारी। अधम जाति मैं जड़मति भारी।।
अधम ते अधम अधम अति नारी। तिन्ह महँ मैं मतिमंद अघारी।।
कह रघुपति सुनु भामिनि बाता। मानउँ एक भगति कर नाता।।
जाति पाँति कुल धर्म बड़ाई। धन बल परिजन गुन चतुराई।।
भगति हीन नर सोहइ कैसा। बिनु जल बारिद देखिअ जैसा।।
नवधा भगति कहउँ तोहि पाहीं। सावधान सुनु धरु मन माहीं।।
प्रथम भगति संतन्ह कर संगा। दूसरि रति मम कथा प्रसंगा।।
Pani jori agen bhai tharhi, prabhuhi biloki priti ati barhi
Kehi bidhi astuti karau tumhari, adham jati main jaramati bhari
Adham te adham adham ati nari, tinha maham main matimand aghari
Kah raghupati sunu bhamini bata, manaum ek bhagati kar nata
Jati panti kul dharma barai, dhan bal parijan gun chaturai
Bhagati hin nar sohai kaisa, binu jal barid dekhia jaisa
Navadha bhagati kahaum tohi pahin, savadhan sunu dharu man mahin
Pratham bhagati santanha kar sanga, dusari rati mam katha prasanga
36.2
Doha/soratha
गुर पद पंकज सेवा तीसरि भगति अमान।
चौथि भगति मम गुन गन करइ कपट तजि गान ॥35॥
Gur pad pankaj seva tisari bhagati aman
Chauthi bhagati mam gun gan karai kapat taji gan