UtshovDoha 37
37.1
Chaupai
मंत्र जाप मम दृढ़ बिस्वासा। पंचम भजन सो बेद प्रकासा।।
छठ दम सील बिरति बहु करमा। निरत निरंतर सज्जन धरमा।।
सातवँ सम मोहि मय जग देखा। मोतें संत अधिक करि लेखा।।
आठवँ जथालाभ संतोषा। सपनेहुँ नहिं देखइ परदोषा।।
नवम सरल सब सन छलहीना। मम भरोस हियँ हरष न दीना।।
नव महुँ एकउ जिन्ह के होई। नारि पुरुष सचराचर कोई।।
सोइ अतिसय प्रिय भामिनि मोरे। सकल प्रकार भगति दृढ़ तोरें।।
जोगि बृंद दुरलभ गति जोई। तो कहुँ आजु सुलभ भइ सोई।।
मम दरसन फल परम अनूपा। जीव पाव निज सहज सरूपा।।
जनकसुता कइ सुधि भामिनी। जानहि कहु करिबरगामिनी।।
पंपा सरहि जाहु रघुराई। तहँ होइहि सुग्रीव मिताई।।
सो सब कहिहि देव रघुबीरा। जानतहूँ पूछहु मतिधीरा।।
बार बार प्रभु पद सिरु नाई। प्रेम सहित सब कथा सुनाई।।
Mantra jap mam drirh bisvasa, pancham bhajan so bed prakasa
Chhath dam sil birati bahu karama, nirat nirantar sajjan dharama
Satavam sam mohi may jag dekha, moten sant adhik kari lekha
Athavam jathalabh santosha, sapanehun nahin dekhai paradosha
Navam saral sab san chhalahina, mam bharos hiyam harash na dina
Nav mahun ekau jinha ke hoi, nari purush sacharachar koi
Soi atisay priy bhamini more, sakal prakar bhagati drirh toren
Jogi brind duralabh gati joi, to kahun aju sulabh bhai soi
Mam darasan phal param anupa, jiv pav nij sahaj sarupa
Janakasuta kai sudhi bhamini, janahi kahu karibaragamini
Pampa sarahi jahu raghurai, taham hoihi sugriv mitai
So sab kahihi dev raghubira, janatahun puchhahu matidhira
Bar bar prabhu pad siru nai, prem sahit sab katha sunai
37.2
Chhand
कहि कथा सकल बिलोकि हरि मुख हृदयँ पद पंकज धरे।
तजि जोग पावक देह हरि पद लीन भइ जहँ नहिं फिरे।।
नर बिबिध कर्म अधर्म बहु मत सोकप्रद सब त्यागहू।
बिस्वास करि कह दास तुलसी राम पद अनुरागहू।।
Kahi katha sakal biloki hari mukh hridayam pad pankaj dhare
Taji jog pavak deh hari pad lin bhai jaham nahin phire
Nar bibidh karma adharma bahu mat sokaprad sab tyagahu
Bisvas kari kah das tulasi ram pad anuragahu
37.3
Doha/soratha
जाति हीन अघ जन्म महि मुक्त कीन्हि असि नारि।
महामंद मन सुख चहसि ऐसे प्रभुहि बिसारि ॥36॥
Jati hin agh janma mahi mukta kinhi asi nari
Mahamand man sukh chahasi aise prabhuhi bisari