UtshovDoha 35
35.1
Chaupai
सापत ताड़त परुष कहंता। बिप्र पूज्य अस गावहिं संता।।
पूजिअ बिप्र सील गुन हीना। सूद्र न गुन गन ग्यान प्रबीना।।
कहि निज धर्म ताहि समुझावा। निज पद प्रीति देखि मन भावा।।
रघुपति चरन कमल सिरु नाई। गयउ गगन आपनि गति पाई।।
ताहि देइ गति राम उदारा। सबरी कें आश्रम पगु धारा।।
सबरी देखि राम गृहँ आए। मुनि के बचन समुझि जियँ भाए।।
सरसिज लोचन बाहु बिसाला। जटा मुकुट सिर उर बनमाला।।
स्याम गौर सुंदर दोउ भाई। सबरी परी चरन लपटाई।।
प्रेम मगन मुख बचन न आवा। पुनि पुनि पद सरोज सिर नावा।।
सादर जल लै चरन पखारे। पुनि सुंदर आसन बैठारे।।
Sapat tarat parush kahanta, bipra pujya as gavahin santa
Pujia bipra sil gun hina, sudra na gun gan gyan prabina
Kahi nij dharma tahi samujhava, nij pad priti dekhi man bhava
Raghupati charan kamal siru nai, gayau gagan apani gati pai
Tahi dei gati ram udara, sabari ken ashram pagu dhara
Sabari dekhi ram griham ae, muni ke bachan samujhi jiyam bhae
Sarasij lochan bahu bisala, jata mukut sir ur banamala
Syam gaur sundar dou bhai, sabari pari charan lapatai
Prem magan mukh bachan na ava, puni puni pad saroj sir nava
Sadar jal lai charan pakhare, puni sundar asan baithare
35.2
Doha/soratha
कंद मूल फल सुरस अति दिए राम कहुँ आनि।
प्रेम सहित प्रभु खाए बारंबार बखानि ॥34॥
Kand mul phal suras ati die ram kahun ani
Prem sahit prabhu khae barambar bakhani