UtshovDoha 26
26.1
Chaupai
दसमुख सकल कथा तेहि आगें। कही सहित अभिमान अभागें।।
होहु कपट मृग तुम्ह छलकारी। जेहि बिधि हरि आनौ नृपनारी।।
तेहिं पुनि कहा सुनहु दससीसा। ते नररुप चराचर ईसा।।
तासों तात बयरु नहिं कीजे। मारें मरिअ जिआएँ जीजै।।
मुनि मख राखन गयउ कुमारा। बिनु फर सर रघुपति मोहि मारा।।
सत जोजन आयउँ छन माहीं। तिन्ह सन बयरु किएँ भल नाहीं।।
भइ मम कीट भृंग की नाई। जहँ तहँ मैं देखउँ दोउ भाई।।
जौं नर तात तदपि अति सूरा। तिन्हहि बिरोधि न आइहि पूरा।।
Dasamukh sakal katha tehi agen, kahi sahit abhiman abhagen
Hohu kapat mrig tumha chhalakari, jehi bidhi hari anau nripanari
Tehin puni kaha sunahu dasasisa, te nararup charachar isa
Tason tat bayaru nahin kije, maren maria jiaem jijai
Muni makh rakhan gayau kumara, binu phar sar raghupati mohi mara
Sat jojan ayaum chhan mahin, tinha san bayaru kiem bhal nahin
Bhai mam kit bhring ki nai, jaham taham main dekhaum dou bhai
Jaun nar tat tadapi ati sura, tinhahi birodhi na aihi pura
26.2
Doha/soratha
जेहिं ताड़का सुबाहु हति खंडेउ हर कोदंड।।
खर दूषन तिसिरा बधेउ मनुज कि अस बरिबंड ॥25॥
Jehin taraka subahu hati khandeu har kodand
Khar dushan tisira badheu manuj ki as bariband