UtshovDoha 25
25.1
Chaupai
सुनहु प्रिया ब्रत रुचिर सुसीला। मैं कछु करबि ललित नरलीला।।
तुम्ह पावक महुँ करहु निवासा। जौ लगि करौं निसाचर नासा।।
जबहिं राम सब कहा बखानी। प्रभु पद धरि हियँ अनल समानी।।
निज प्रतिबिंब राखि तहँ सीता। तैसइ सील रुप सुबिनीता।।
लछिमनहूँ यह मरमु न जाना। जो कछु चरित रचा भगवाना।।
दसमुख गयउ जहाँ मारीचा। नाइ माथ स्वारथ रत नीचा।।
नवनि नीच कै अति दुखदाई। जिमि अंकुस धनु उरग बिलाई।।
भयदायक खल कै प्रिय बानी। जिमि अकाल के कुसुम भवानी।।
Sunahu priya brat ruchir susila, main kachhu karabi lalit naralila
Tumha pavak mahun karahu nivasa, jau lagi karaun nisachar nasa
Jabahin ram sab kaha bakhani, prabhu pad dhari hiyam anal samani
Nij pratibimb rakhi taham sita, taisai sil rup subinita
Lachhimanahun yah maramu na jana, jo kachhu charit racha bhagavana
Dasamukh gayau jahan maricha, nai math svarath rat nicha
Navani nich kai ati dukhadai, jimi ankus dhanu urag bilai
Bhayadayak khal kai priy bani, jimi akal ke kusum bhavani
25.2
Doha/soratha
करि पूजा मारीच तब सादर पूछी बात।
कवन हेतु मन ब्यग्र अति अकसर आयहु तात ॥24॥
Kari puja marich tab sadar puchhi bat
Kavan hetu man byagra ati akasar ayahu tat