UtshovDoha 24
24.1
Chaupai
सुर नर असुर नाग खग माहीं। मोरे अनुचर कहँ कोउ नाहीं।।
खर दूषन मोहि सम बलवंता। तिन्हहि को मारइ बिनु भगवंता।।
सुर रंजन भंजन महि भारा। जौं भगवंत लीन्ह अवतारा।।
तौ मै जाइ बैरु हठि करऊँ। प्रभु सर प्रान तजें भव तरऊँ।।
होइहि भजनु न तामस देहा। मन क्रम बचन मंत्र दृढ़ एहा।।
जौं नररुप भूपसुत कोऊ। हरिहउँ नारि जीति रन दोऊ।।
चला अकेल जान चढि तहवाँ। बस मारीच सिंधु तट जहवाँ।।
इहाँ राम जसि जुगुति बनाई। सुनहु उमा सो कथा सुहाई।।
Sur nar asur nag khag mahin, more anuchar kaham kou nahin
Khar dushan mohi sam balavanta, tinhahi ko marai binu bhagavanta
Sur ranjan bhanjan mahi bhara, jaun bhagavant linha avatara
Tau mai jai bairu hathi karaum, prabhu sar pran tajen bhav taraum
Hoihi bhajanu na tamas deha, man kram bachan mantra drirh eha
Jaun nararup bhupasut kou, harihaum nari jiti ran dou
Chala akel jan chadhi tahavan, bas marich sindhu tat jahavan
Ihan ram jasi juguti banai, sunahu uma so katha suhai
24.2
Doha/soratha
लछिमन गए बनहिं जब लेन मूल फल कंद।
जनकसुता सन बोले बिहसि कृपा सुख बृंद ॥23॥
Lachhiman gae banahin jab len mul phal kand
Janakasuta san bole bihasi kripa sukh brind