UtshovDoha 27
27.1
Chaupai
जाहु भवन कुल कुसल बिचारी। सुनत जरा दीन्हिसि बहु गारी।।
गुरु जिमि मूढ़ करसि मम बोधा। कहु जग मोहि समान को जोधा।।
तब मारीच हृदयँ अनुमाना। नवहि बिरोधें नहिं कल्याना।।
सस्त्री मर्मी प्रभु सठ धनी। बैद बंदि कबि भानस गुनी।।
उभय भाँति देखा निज मरना। तब ताकिसि रघुनायक सरना।।
उतरु देत मोहि बधब अभागें। कस न मरौं रघुपति सर लागें।।
अस जियँ जानि दसानन संगा। चला राम पद प्रेम अभंगा।।
मन अति हरष जनाव न तेही। आजु देखिहउँ परम सनेही।।
Jahu bhavan kul kusal bichari, sunat jara dinhisi bahu gari
Guru jimi murh karasi mam bodha, kahu jag mohi saman ko jodha
Tab marich hridayam anumana, navahi birodhen nahin kalyana
Sastri marmi prabhu sath dhani, baid bandi kabi bhanas guni
Ubhay bhanti dekha nij marana, tab takisi raghunayak sarana
Utaru det mohi badhab abhagen, kas na maraun raghupati sar lagen
As jiyam jani dasanan sanga, chala ram pad prem abhanga
Man ati harash janav na tehi, aju dekhihaum param sanehi
27.2
Chhand
निज परम प्रीतम देखि लोचन सुफल करि सुख पाइहौं।
श्री सहित अनुज समेत कृपानिकेत पद मन लाइहौं।।
निर्बान दायक क्रोध जा कर भगति अबसहि बसकरी।
निज पानि सर संधानि सो मोहि बधिहि सुखसागर हरी।।
Nij param pritam dekhi lochan suphal kari sukh paihaun
Shri sahit anuj samet kripaniket pad man laihaun
Nirban dayak krodh ja kar bhagati abasahi basakari
Nij pani sar sandhani so mohi badhihi sukhasagar hari
27.3
Doha/soratha
मम पाछें धर धावत धरें सरासन बान।
फिरि फिरि प्रभुहि बिलोकिहउँ धन्य न मो सम आन ॥26॥
Mam pachhen dhar dhavat dharen sarasan ban
Phiri phiri prabhuhi bilokihaum dhanya na mo sam an