UtshovDoha 20
20.1
Chaupai
प्रभु बिलोकि सर सकहिं न डारी। थकित भई रजनीचर धारी।।
सचिव बोलि बोले खर दूषन। यह कोउ नृपबालक नर भूषन।।
नाग असुर सुर नर मुनि जेते। देखे जिते हते हम केते।।
हम भरि जन्म सुनहु सब भाई। देखी नहिं असि सुंदरताई।।
जद्यपि भगिनी कीन्ह कुरूपा। बध लायक नहिं पुरुष अनूपा।।
देहु तुरत निज नारि दुराई। जीअत भवन जाहु द्वौ भाई।।
मोर कहा तुम्ह ताहि सुनावहु। तासु बचन सुनि आतुर आवहु।।
दूतन्ह कहा राम सन जाई। सुनत राम बोले मुसकाई।।
हम छत्री मृगया बन करहीं। तुम्ह से खल मृग खौजत फिरहीं।।
रिपु बलवंत देखि नहिं डरहीं। एक बार कालहु सन लरहीं।।
जद्यपि मनुज दनुज कुल घालक। मुनि पालक खल सालक बालक।।
जौं न होइ बल घर फिरि जाहू। समर बिमुख मैं हतउँ न काहू।।
रन चढ़ि करिअ कपट चतुराई। रिपु पर कृपा परम कदराई।।
दूतन्ह जाइ तुरत सब कहेऊ। सुनि खर दूषन उर अति दहेऊ।।
Prabhu biloki sar sakahin na dari, thakit bhai rajanichar dhari
Sachiv boli bole khar dushan, yah kou nripabalak nar bhushan
Nag asur sur nar muni jete, dekhe jite hate ham kete
Ham bhari janma sunahu sab bhai, dekhi nahin asi sundaratai
Jadyapi bhagini kinha kurupa, badh layak nahin purush anupa
Dehu turat nij nari durai, jiat bhavan jahu dvau bhai
Mor kaha tumha tahi sunavahu, tasu bachan suni atur avahu
Dutanha kaha ram san jai, sunat ram bole musakai
Ham chhatri mrigaya ban karahin, tumha se khal mrig khaujat phirahin
Ripu balavant dekhi nahin darahin, ek bar kalahu san larahin
Jadyapi manuj danuj kul ghalak, muni palak khal salak balak
Jaun na hoi bal ghar phiri jahu, samar bimukh main hataum na kahu
Ran charhi karia kapat chaturai, ripu par kripa param kadarai
Dutanha jai turat sab kaheu, suni khar dushan ur ati daheu
20.2
Chhand
उर दहेउ कहेउ कि धरहु धाए बिकट भट रजनीचरा।
सर चाप तोमर सक्ति सूल कृपान परिघ परसु धरा।।
प्रभु कीन्ह धनुष टकोर प्रथम कठोर घोर भयावहा।
भए बधिर ब्याकुल जातुधान न ग्यान तेहि अवसर रहा।।
Ur daheu kaheu ki dharahu dhae bikat bhat rajanichara
Sar chap tomar sakti sul kripan parigh parasu dhara
Prabhu kinha dhanush takor pratham kathor ghor bhayavaha
Bhae badhir byakul jatudhan na gyan tehi avasar raha
20.3
Doha/soratha
सावधान होइ धाए जानि सबल आराति।
लागे बरषन राम पर अस्त्र सस्त्र बहु भाँति ॥19(क)॥
Savadhan hoi dhae jani sabal arati
Lage barashan ram par astra sastra bahu bhanti, 19(ka)
20.4
Doha/soratha
तिन्ह के आयुध तिल सम करि काटे रघुबीर।
तानि सरासन श्रवन लगि पुनि छाँड़े निज तीर ॥19(ख)॥
Tinha ke ayudh til sam kari kate raghubir
Tani sarasan shravan lagi puni chhanre nij tir, 19(kh)