UtshovDoha 21
21.1
Chhand
तब चले जान बबान कराल। फुंकरत जनु बहु ब्याल।।
कोपेउ समर श्रीराम। चले बिसिख निसित निकाम।।
अवलोकि खरतर तीर। मुरि चले निसिचर बीर।।
भए क्रुद्ध तीनिउ भाइ। जो भागि रन ते जाइ।।
तेहि बधब हम निज पानि। फिरे मरन मन महुँ ठानि।।
आयुध अनेक प्रकार। सनमुख ते करहिं प्रहार।।
रिपु परम कोपे जानि। प्रभु धनुष सर संधानि।।
छाँड़े बिपुल नाराच। लगे कटन बिकट पिसाच।।
उर सीस भुज कर चरन। जहँ तहँ लगे महि परन।।
चिक्करत लागत बान। धर परत कुधर समान।।
भट कटत तन सत खंड। पुनि उठत करि पाषंड।।
नभ उड़त बहु भुज मुंड। बिनु मौलि धावत रुंड।।
खग कंक काक सृगाल। कटकटहिं कठिन कराल।।
कटकटहिं ज़ंबुक भूत प्रेत पिसाच खर्पर संचहीं।
बेताल बीर कपाल ताल बजाइ जोगिनि नंचहीं।।
रघुबीर बान प्रचंड खंडहिं भटन्ह के उर भुज सिरा।
जहँ तहँ परहिं उठि लरहिं धर धरु धरु करहिं भयकर गिरा।।
अंतावरीं गहि उड़त गीध पिसाच कर गहि धावहीं।।
संग्राम पुर बासी मनहुँ बहु बाल गुड़ी उड़ावहीं।।
मारे पछारे उर बिदारे बिपुल भट कहँरत परे।
अवलोकि निज दल बिकल भट तिसिरादि खर दूषन फिरे।।
सर सक्ति तोमर परसु सूल कृपान एकहि बारहीं।
करि कोप श्रीरघुबीर पर अगनित निसाचर डारहीं।।
प्रभु निमिष महुँ रिपु सर निवारि पचारि डारे सायका।
दस दस बिसिख उर माझ मारे सकल निसिचर नायका।।
महि परत उठि भट भिरत मरत न करत माया अति घनी।
सुर डरत चौदह सहस प्रेत बिलोकि एक अवध धनी।।
सुर मुनि सभय प्रभु देखि मायानाथ अति कौतुक कर् यो।
देखहि परसपर राम करि संग्राम रिपुदल लरि मर् यो।।
Tab chale jan baban karal, phunkarat janu bahu byal
Kopeu samar shriram, chale bisikh nisit nikam
Avaloki kharatar tir, muri chale nisichar bir
Bhae kruddha tiniu bhai, jo bhagi ran te jai
Tehi badhab ham nij pani, phire maran man mahun thani
Ayudh anek prakar, sanamukh te karahin prahar
Ripu param kope jani, prabhu dhanush sar sandhani
Chhanre bipul narach, lage katan bikat pisach
Ur sis bhuj kar charan, jaham taham lage mahi paran
Chikkarat lagat ban, dhar parat kudhar saman
Bhat katat tan sat khand, puni uthat kari pashand
Nabh urat bahu bhuj mund, binu mauli dhavat rund
Khag kank kak srigal, katakatahin kathin karal
Katakatahin zambuk bhut pret pisach kharpar sanchahin
Betal bir kapal tal bajai jogini nanchahin
Raghubir ban prachand khandahin bhatanha ke ur bhuj sira
Jaham taham parahin uthi larahin dhar dharu dharu karahin bhayakar gira
Antavarin gahi urat gidh pisach kar gahi dhavahin
Sangram pur basi manahun bahu bal guri uravahin
Mare pachhare ur bidare bipul bhat kahanrat pare
Avaloki nij dal bikal bhat tisiradi khar dushan phire
Sar sakti tomar parasu sul kripan ekahi barahin
Kari kop shriraghubir par aganit nisachar darahin
Prabhu nimish mahun ripu sar nivari pachari dare sayaka
Das das bisikh ur majh mare sakal nisichar nayaka
Mahi parat uthi bhat bhirat marat na karat maya ati ghani
Sur darat chaudah sahas pret biloki ek avadh dhani
Sur muni sabhay prabhu dekhi mayanath ati kautuk kar yo
Dekhahi parasapar ram kari sangram ripudal lari mar yo
21.2
Doha/soratha
राम राम कहि तनु तजहिं पावहिं पद निर्बान।
करि उपाय रिपु मारे छन महुँ कृपानिधान ॥20(क)॥
Ram ram kahi tanu tajahin pavahin pad nirban
Kari upaya ripu mare chhan mahun kripanidhan, 20(ka)
21.3
Doha/soratha
हरषित बरषहिं सुमन सुर बाजहिं गगन निसान।
अस्तुति करि करि सब चले सोभित बिबिध बिमान ॥20(ख)॥
Harashit barashahin suman sur bajahin gagan nisan
Astuti kari kari sab chale sobhit bibidh biman, 20(kh)