UtshovDoha 19
19.1
Chaupai
नाक कान बिनु भइ बिकरारा। जनु स्त्रव सैल गैरु कै धारा।।
खर दूषन पहिं गइ बिलपाता। धिग धिग तव पौरुष बल भ्राता।।
तेहि पूछा सब कहेसि बुझाई। जातुधान सुनि सेन बनाई।।
धाए निसिचर निकर बरूथा। जनु सपच्छ कज्जल गिरि जूथा।।
नाना बाहन नानाकारा। नानायुध धर घोर अपारा।।
सुपनखा आगें करि लीनी। असुभ रूप श्रुति नासा हीनी।।
असगुन अमित होहिं भयकारी। गनहिं न मृत्यु बिबस सब झारी।।
गर्जहि तर्जहिं गगन उड़ाहीं। देखि कटकु भट अति हरषाहीं।।
कोउ कह जिअत धरहु द्वौ भाई। धरि मारहु तिय लेहु छड़ाई।।
धूरि पूरि नभ मंडल रहा। राम बोलाइ अनुज सन कहा।।
लै जानकिहि जाहु गिरि कंदर। आवा निसिचर कटकु भयंकर।।
रहेहु सजग सुनि प्रभु कै बानी। चले सहित श्री सर धनु पानी।।
देखि राम रिपुदल चलि आवा। बिहसि कठिन कोदंड चढ़ावा।।
Nak kan binu bhai bikarara, janu strav sail gairu kai dhara
Khar dushan pahin gai bilapata, dhig dhig tav paurush bal bhrata
Tehi puchha sab kahesi bujhai, jatudhan suni sen banai
Dhae nisichar nikar barutha, janu sapachchha kajjal giri jutha
Nana bahan nanakara, nanayudh dhar ghor apara
Supanakha agen kari lini, asubh rup shruti nasa hini
Asagun amit hohin bhayakari, ganahin na mrityu bibas sab jhari
Garjahi tarjahin gagan urahin, dekhi kataku bhat ati harashahin
Kou kah jiat dharahu dvau bhai, dhari marahu tiy lehu chharai
Dhuri puri nabh mandal raha, ram bolai anuj san kaha
Lai janakihi jahu giri kandar, ava nisichar kataku bhayankar
Rahehu sajag suni prabhu kai bani, chale sahit shri sar dhanu pani
Dekhi ram ripudal chali ava, bihasi kathin kodand charhava
19.2
Chhand
कोदंड कठिन चढ़ाइ सिर जट जूट बाँधत सोह क्यों।
मरकत सयल पर लरत दामिनि कोटि सों जुग भुजग ज्यों।।
कटि कसि निषंग बिसाल भुज गहि चाप बिसिख सुधारि कै।।
चितवत मनहुँ मृगराज प्रभु गजराज घटा निहारि कै।।
Kodand kathin charhai sir jat jut bandhat soh kyon
Marakat sayal par larat damini koti son jug bhujag jyon
Kati kasi nishang bisal bhuj gahi chap bisikh sudhari kai
Chitavat manahun mrigaraj prabhu gajaraj ghata nihari kai
19.3
Doha/soratha
आइ गए बगमेल धरहु धरहु धावत सुभट।
जथा बिलोकि अकेल बाल रबिहि घेरत दनुज ॥18॥
Ai gae bagamel dharahu dharahu dhavat subhat
Jatha biloki akel bal rabihi gherat danuj