UtshovDoha 17
17.1
Chaupai
धर्म तें बिरति जोग तें ग्याना। ग्यान मोच्छप्रद बेद बखाना।।
जातें बेगि द्रवउँ मैं भाई। सो मम भगति भगत सुखदाई।।
सो सुतंत्र अवलंब न आना। तेहि आधीन ग्यान बिग्याना।।
भगति तात अनुपम सुखमूला। मिलइ जो संत होइँ अनुकूला।।
भगति कि साधन कहउँ बखानी। सुगम पंथ मोहि पावहिं प्रानी।।
प्रथमहिं बिप्र चरन अति प्रीती। निज निज कर्म निरत श्रुति रीती।।
एहि कर फल पुनि बिषय बिरागा। तब मम धर्म उपज अनुरागा।।
श्रवनादिक नव भक्ति दृढ़ाहीं। मम लीला रति अति मन माहीं।।
संत चरन पंकज अति प्रेमा। मन क्रम बचन भजन दृढ़ नेमा।।
गुरु पितु मातु बंधु पति देवा। सब मोहि कहँ जाने दृढ़ सेवा।।
मम गुन गावत पुलक सरीरा। गदगद गिरा नयन बह नीरा।।
काम आदि मद दंभ न जाकें। तात निरंतर बस मैं ताकें।।
Dharma ten birati jog ten gyana, gyan mochchhaprad bed bakhana
Jaten begi dravaum main bhai, so mam bhagati bhagat sukhadai
So sutantra avalamb na ana, tehi adhin gyan bigyana
Bhagati tat anupam sukhamula, milai jo sant hoim anukula
Bhagati ki sadhan kahaum bakhani, sugam panth mohi pavahin prani
Prathamahin bipra charan ati priti, nij nij karma nirat shruti riti
Ehi kar phal puni bishay biraga, tab mam dharma upaj anuraga
Shravanadik nav bhakti drirhahin, mam lila rati ati man mahin
Sant charan pankaj ati prema, man kram bachan bhajan drirh nema
Guru pitu matu bandhu pati deva, sab mohi kaham jane drirh seva
Mam gun gavat pulak sarira, gadagad gira nayan bah nira
Kam adi mad dambh na jaken, tat nirantar bas main taken
17.2
Doha/soratha
बचन कर्म मन मोरि गति भजनु करहिं निःकाम।।
तिन्ह के हृदय कमल महुँ करउँ सदा बिश्राम ॥16॥
Bachan karma man mori gati bhajanu karahin nihkam
Tinha ke hriday kamal mahun karaum sada bishram