UtshovDoha 16
16.1
Chaupai
थोरेहि महँ सब कहउँ बुझाई। सुनहु तात मति मन चित लाई।।
मैं अरु मोर तोर तैं माया। जेहिं बस कीन्हे जीव निकाया।।
गो गोचर जहँ लगि मन जाई। सो सब माया जानेहु भाई।।
तेहि कर भेद सुनहु तुम्ह सोऊ। बिद्या अपर अबिद्या दोऊ।।
एक दुष्ट अतिसय दुखरूपा। जा बस जीव परा भवकूपा।।
एक रचइ जग गुन बस जाकें। प्रभु प्रेरित नहिं निज बल ताकें।।
ग्यान मान जहँ एकउ नाहीं। देख ब्रह्म समान सब माही।।
कहिअ तात सो परम बिरागी। तृन सम सिद्धि तीनि गुन त्यागी।।
Thorehi maham sab kahaum bujhai, sunahu tat mati man chit lai
Main aru mor tor tain maya, jehin bas kinhe jiv nikaya
Go gochar jaham lagi man jai, so sab maya janehu bhai
Tehi kar bhed sunahu tumha sou, bidya apar abidya dou
Ek dushta atisay dukharupa, ja bas jiv para bhavakupa
Ek rachai jag gun bas jaken, prabhu prerit nahin nij bal taken
Gyan man jaham ekau nahin, dekh brahma saman sab mahi
Kahia tat so param biragi, trin sam siddhi tini gun tyagi
16.2
Doha/soratha
माया ईस न आपु कहुँ जान कहिअ सो जीव।
बंध मोच्छ प्रद सर्बपर माया प्रेरक सीव ॥15॥
Maya is na apu kahun jan kahia so jiv
Bandh mochchha prad sarbapar maya prerak siv