UtshovDoha 12
12.1
Chaupai
कह मुनि प्रभु सुनु बिनती मोरी। अस्तुति करौं कवन बिधि तोरी।।
महिमा अमित मोरि मति थोरी। रबि सन्मुख खद्योत अँजोरी।।
श्याम तामरस दाम शरीरं। जटा मुकुट परिधन मुनिचीरं।।
पाणि चाप शर कटि तूणीरं। नौमि निरंतर श्रीरघुवीरं।।
मोह विपिन घन दहन कृशानुः। संत सरोरुह कानन भानुः।।
निशिचर करि वरूथ मृगराजः। त्रातु सदा नो भव खग बाजः।।
अरुण नयन राजीव सुवेशं। सीता नयन चकोर निशेशं।।
हर ह्रदि मानस बाल मरालं। नौमि राम उर बाहु विशालं।।
संशय सर्प ग्रसन उरगादः। शमन सुकर्कश तर्क विषादः।।
भव भंजन रंजन सुर यूथः। त्रातु सदा नो कृपा वरूथः।।
निर्गुण सगुण विषम सम रूपं। ज्ञान गिरा गोतीतमनूपं।।
अमलमखिलमनवद्यमपारं। नौमि राम भंजन महि भारं।।
भक्त कल्पपादप आरामः। तर्जन क्रोध लोभ मद कामः।।
अति नागर भव सागर सेतुः। त्रातु सदा दिनकर कुल केतुः।।
अतुलित भुज प्रताप बल धामः। कलि मल विपुल विभंजन नामः।।
धर्म वर्म नर्मद गुण ग्रामः। संतत शं तनोतु मम रामः।।
जदपि बिरज ब्यापक अबिनासी। सब के हृदयँ निरंतर बासी।।
तदपि अनुज श्री सहित खरारी। बसतु मनसि मम काननचारी।।
जे जानहिं ते जानहुँ स्वामी। सगुन अगुन उर अंतरजामी।।
जो कोसल पति राजिव नयना। करउ सो राम हृदय मम अयना।
अस अभिमान जाइ जनि भोरे। मैं सेवक रघुपति पति मोरे।।
सुनि मुनि बचन राम मन भाए। बहुरि हरषि मुनिबर उर लाए।।
परम प्रसन्न जानु मुनि मोही। जो बर मागहु देउ सो तोही।।
मुनि कह मै बर कबहुँ न जाचा। समुझि न परइ झूठ का साचा।।
तुम्हहि नीक लागै रघुराई। सो मोहि देहु दास सुखदाई।।
अबिरल भगति बिरति बिग्याना। होहु सकल गुन ग्यान निधाना।।
प्रभु जो दीन्ह सो बरु मैं पावा। अब सो देहु मोहि जो भावा।।
Kah muni prabhu sunu binati mori, astuti karaun kavan bidhi tori
Mahima amit mori mati thori, rabi sanmukh khadyot anjori
Shyam tamaras dam shariram, jata mukut paridhan munichiram
Pani chap shar kati tuniram, naumi nirantar shriraghuviram
Moh vipin ghan dahan krishanuh, sant saroruh kanan bhanuh
Nishichar kari varuth mrigarajah, tratu sada no bhav khag bajah
Arun nayan rajiv suvesham, sita nayan chakor nishesham
Har hradi manas bal maralam, naumi ram ur bahu vishalam
Sanshay sarpa grasan uragadah, shaman sukarkash tarka vishadah
Bhav bhanjan ranjan sur yuthah, tratu sada no kripa varuthah
Nirgun sagun visham sam rupam, gyan gira gotitamanupam
Amalamakhilamanavadyamaparam, naumi ram bhanjan mahi bharam
Bhakta kalpapadap aramah, tarjan krodh lobh mad kamah
Ati nagar bhav sagar setuh, tratu sada dinakar kul ketuh
Atulit bhuj pratap bal dhamah, kali mal vipul vibhanjan namah
Dharma varma narmad gun gramah, santat sham tanotu mam ramah
Jadapi biraj byapak abinasi, sab ke hridayam nirantar basi
Tadapi anuj shri sahit kharari, basatu manasi mam kananachari
Je janahin te janahun svami, sagun agun ur antarajami
Jo kosal pati rajiv nayana, karau so ram hriday mam ayana
As abhiman jai jani bhore, main sevak raghupati pati more
Suni muni bachan ram man bhae, bahuri harashi munibar ur lae
Param prasanna janu muni mohi, jo bar magahu deu so tohi
Muni kah mai bar kabahun na jacha, samujhi na parai jhuth ka sacha
Tumhahi nik lagai raghurai, so mohi dehu das sukhadai
Abiral bhagati birati bigyana, hohu sakal gun gyan nidhana
Prabhu jo dinha so baru main pava, ab so dehu mohi jo bhava
12.2
Doha/soratha
अनुज जानकी सहित प्रभु चाप बान धर राम।
मम हिय गगन इंदु इव बसहु सदा निहकाम ॥11॥
Anuj janaki sahit prabhu chap ban dhar ram
Mam hiy gagan indu iv basahu sada nihakam