UtshovDoha 13
13.1
Chaupai
एवमस्तु करि रमानिवासा। हरषि चले कुभंज रिषि पासा।।
बहुत दिवस गुर दरसन पाएँ। भए मोहि एहिं आश्रम आएँ।।
अब प्रभु संग जाउँ गुर पाहीं। तुम्ह कहँ नाथ निहोरा नाहीं।।
देखि कृपानिधि मुनि चतुराई। लिए संग बिहसै द्वौ भाई।।
पंथ कहत निज भगति अनूपा। मुनि आश्रम पहुँचे सुरभूपा।।
तुरत सुतीछन गुर पहिं गयऊ। करि दंडवत कहत अस भयऊ।।
नाथ कौसलाधीस कुमारा। आए मिलन जगत आधारा।।
राम अनुज समेत बैदेही। निसि दिनु देव जपत हहु जेही।।
सुनत अगस्ति तुरत उठि धाए। हरि बिलोकि लोचन जल छाए।।
मुनि पद कमल परे द्वौ भाई। रिषि अति प्रीति लिए उर लाई।।
सादर कुसल पूछि मुनि ग्यानी। आसन बर बैठारे आनी।।
पुनि करि बहु प्रकार प्रभु पूजा। मोहि सम भाग्यवंत नहिं दूजा।।
जहँ लगि रहे अपर मुनि बृंदा। हरषे सब बिलोकि सुखकंदा।।
Evamastu kari ramanivasa, harashi chale kubhanj rishi pasa
Bahut divas gur darasan paem, bhae mohi ehin ashram aem
Ab prabhu sang jaum gur pahin, tumha kaham nath nihora nahin
Dekhi kripanidhi muni chaturai, lie sang bihasai dvau bhai
Panth kahat nij bhagati anupa, muni ashram pahunche surabhupa
Turat sutichhan gur pahin gayau, kari dandavat kahat as bhayau
Nath kausaladhis kumara, ae milan jagat adhara
Ram anuj samet baidehi, nisi dinu dev japat hahu jehi
Sunat agasti turat uthi dhae, hari biloki lochan jal chhae
Muni pad kamal pare dvau bhai, rishi ati priti lie ur lai
Sadar kusal puchhi muni gyani, asan bar baithare ani
Puni kari bahu prakar prabhu puja, mohi sam bhagyavant nahin duja
Jaham lagi rahe apar muni brinda, harashe sab biloki sukhakanda
13.2
Doha/soratha
मुनि समूह महँ बैठे सन्मुख सब की ओर।
सरद इंदु तन चितवत मानहुँ निकर चकोर ॥12॥
Muni samuh maham baithe sanmukh sab ki or
Sarad indu tan chitavat manahun nikar chakor