UtshovDoha 11
11.1
Chaupai
मुनि अगस्ति कर सिष्य सुजाना। नाम सुतीछन रति भगवाना।।
मन क्रम बचन राम पद सेवक। सपनेहुँ आन भरोस न देवक।।
प्रभु आगवनु श्रवन सुनि पावा। करत मनोरथ आतुर धावा।।
हे बिधि दीनबंधु रघुराया। मो से सठ पर करिहहिं दाया।।
सहित अनुज मोहि राम गोसाई। मिलिहहिं निज सेवक की नाई।।
मोरे जियँ भरोस दृढ़ नाहीं। भगति बिरति न ग्यान मन माहीं।।
नहिं सतसंग जोग जप जागा। नहिं दृढ़ चरन कमल अनुरागा।।
एक बानि करुनानिधान की। सो प्रिय जाकें गति न आन की।।
होइहैं सुफल आजु मम लोचन। देखि बदन पंकज भव मोचन।।
निर्भर प्रेम मगन मुनि ग्यानी। कहि न जाइ सो दसा भवानी।।
दिसि अरु बिदिसि पंथ नहिं सूझा। को मैं चलेउँ कहाँ नहिं बूझा।।
कबहुँक फिरि पाछें पुनि जाई। कबहुँक नृत्य करइ गुन गाई।।
अबिरल प्रेम भगति मुनि पाई। प्रभु देखैं तरु ओट लुकाई।।
अतिसय प्रीति देखि रघुबीरा। प्रगटे हृदयँ हरन भव भीरा।।
मुनि मग माझ अचल होइ बैसा। पुलक सरीर पनस फल जैसा।।
तब रघुनाथ निकट चलि आए। देखि दसा निज जन मन भाए।।
मुनिहि राम बहु भाँति जगावा। जाग न ध्यानजनित सुख पावा।।
भूप रूप तब राम दुरावा। हृदयँ चतुर्भुज रूप देखावा।।
मुनि अकुलाइ उठा तब कैसें। बिकल हीन मनि फनि बर जैसें।।
आगें देखि राम तन स्यामा। सीता अनुज सहित सुख धामा।।
परेउ लकुट इव चरनन्हि लागी। प्रेम मगन मुनिबर बड़भागी।।
भुज बिसाल गहि लिए उठाई। परम प्रीति राखे उर लाई।।
मुनिहि मिलत अस सोह कृपाला। कनक तरुहि जनु भेंट तमाला।।
राम बदनु बिलोक मुनि ठाढ़ा। मानहुँ चित्र माझ लिखि काढ़ा।।
Muni agasti kar sishya sujana, nam sutichhan rati bhagavana
Man kram bachan ram pad sevak, sapanehun an bharos na devak
Prabhu agavanu shravan suni pava, karat manorath atur dhava
He bidhi dinabandhu raghuraya, mo se sath par karihahin daya
Sahit anuj mohi ram gosai, milihahin nij sevak ki nai
More jiyam bharos drirh nahin, bhagati birati na gyan man mahin
Nahin satasang jog jap jaga, nahin drirh charan kamal anuraga
Ek bani karunanidhan ki, so priy jaken gati na an ki
Hoihain suphal aju mam lochan, dekhi badan pankaj bhav mochan
Nirbhar prem magan muni gyani, kahi na jai so dasa bhavani
Disi aru bidisi panth nahin sujha, ko main chaleum kahan nahin bujha
Kabahunk phiri pachhen puni jai, kabahunk nritya karai gun gai
Abiral prem bhagati muni pai, prabhu dekhain taru ot lukai
Atisay priti dekhi raghubira, pragate hridayam haran bhav bhira
Muni mag majh achal hoi baisa, pulak sarir panas phal jaisa
Tab raghunath nikat chali ae, dekhi dasa nij jan man bhae
Munihi ram bahu bhanti jagava, jag na dhyanajanit sukh pava
Bhup rup tab ram durava, hridayam chaturbhuj rup dekhava
Muni akulai utha tab kaisen, bikal hin mani phani bar jaisen
Agen dekhi ram tan syama, sita anuj sahit sukh dhama
Pareu lakut iv charananhi lagi, prem magan munibar barabhagi
Bhuj bisal gahi lie uthai, param priti rakhe ur lai
Munihi milat as soh kripala, kanak taruhi janu bhent tamala
Ram badanu bilok muni tharha, manahun chitra majh likhi karha
11.2
Doha/soratha
तब मुनि हृदयँ धीर धीर गहि पद बारहिं बार।
निज आश्रम प्रभु आनि करि पूजा बिबिध प्रकार ॥10॥
Tab muni hridayam dhir dhir gahi pad barahin bar
Nij ashram prabhu ani kari puja bibidh prakar