UtshovDoha 80
80.1
Chaupai
सीय सकुच बस उतरु न देई। सो सुनि तमकि उठी कैकेई।।
मुनि पट भूषन भाजन आनी। आगें धरि बोली मृदु बानी।।
नृपहि प्रान प्रिय तुम्ह रघुबीरा। सील सनेह न छाड़िहि भीरा।।
सुकृत सुजसु परलोकु नसाऊ। तुम्हहि जान बन कहिहि न काऊ।।
अस बिचारि सोइ करहु जो भावा। राम जननि सिख सुनि सुखु पावा।।
भूपहि बचन बानसम लागे। करहिं न प्रान पयान अभागे।।
लोग बिकल मुरुछित नरनाहू। काह करिअ कछु सूझ न काहू।।
रामु तुरत मुनि बेषु बनाई। चले जनक जननिहि सिरु नाई।।
Siy sakuch bas utaru na dei, so suni tamaki uthi kaikei
Muni pat bhushan bhajan ani, agen dhari boli mridu bani
Nripahi pran priy tumha raghubira, sil saneh na chharihi bhira
Sukrit sujasu paraloku nasau, tumhahi jan ban kahihi na kau
As bichari soi karahu jo bhava, ram janani sikh suni sukhu pava
Bhupahi bachan banasam lage, karahin na pran payan abhage
Log bikal muruchhit naranahu, kah karia kachhu sujh na kahu
Ramu turat muni beshu banai, chale janak jananihi siru nai
80.2
Doha/soratha
सजि बन साजु समाजु सबु बनिता बंधु समेत।
बंदि बिप्र गुर चरन प्रभु चले करि सबहि अचेत ॥79॥
Saji ban saju samaju sabu banita bandhu samet
Bandi bipra gur charan prabhu chale kari sabahi achet