UtshovDoha 81
81.1
Chaupai
निकसि बसिष्ठ द्वार भए ठाढ़े। देखे लोग बिरह दव दाढ़े।।
कहि प्रिय बचन सकल समुझाए। बिप्र बृंद रघुबीर बोलाए।।
गुर सन कहि बरषासन दीन्हे। आदर दान बिनय बस कीन्हे।।
जाचक दान मान संतोषे। मीत पुनीत प्रेम परितोषे।।
दासीं दास बोलाइ बहोरी। गुरहि सौंपि बोले कर जोरी।।
सब कै सार सँभार गोसाईं। करबि जनक जननी की नाई।।
बारहिं बार जोरि जुग पानी। कहत रामु सब सन मृदु बानी।।
सोइ सब भाँति मोर हितकारी। जेहि तें रहै भुआल सुखारी।।
Nikasi basishtha dvar bhae tharhe, dekhe log birah dav darhe
Kahi priy bachan sakal samujhae, bipra brind raghubir bolae
Gur san kahi barashasan dinhe, adar dan binay bas kinhe
Jachak dan man santoshe, mit punit prem paritoshe
Dasin das bolai bahori, gurahi saumpi bole kar jori
Sab kai sar sambhar gosaim, karabi janak janani ki nai
Barahin bar jori jug pani, kahat ramu sab san mridu bani
Soi sab bhanti mor hitakari, jehi ten rahai bhual sukhari
81.2
Doha/soratha
मातु सकल मोरे बिरहँ जेहिं न होहिं दुख दीन।
सोइ उपाउ तुम्ह करेहु सब पुर जन परम प्रबीन ॥80॥
Matu sakal more biraham jehin na hohin dukh din
Soi upau tumha karehu sab pur jan param prabin