UtshovDoha 79
79.1
Chaupai
रायँ राम राखन हित लागी। बहुत उपाय किए छलु त्यागी।।
लखी राम रुख रहत न जाने। धरम धुरंधर धीर सयाने।।
तब नृप सीय लाइ उर लीन्ही। अति हित बहुत भाँति सिख दीन्ही।।
कहि बन के दुख दुसह सुनाए। सासु ससुर पितु सुख समुझाए।।
सिय मनु राम चरन अनुरागा। घरु न सुगमु बनु बिषमु न लागा।।
औरउ सबहिं सीय समुझाई। कहि कहि बिपिन बिपति अधिकाई।।
सचिव नारि गुर नारि सयानी। सहित सनेह कहहिं मृदु बानी।।
तुम्ह कहुँ तौ न दीन्ह बनबासू। करहु जो कहहिं ससुर गुर सासू।।
Rayam ram rakhan hit lagi, bahut upaya kie chhalu tyagi
Lakhi ram rukh rahat na jane, dharam dhurandhar dhir sayane
Tab nrip siy lai ur linhi, ati hit bahut bhanti sikh dinhi
Kahi ban ke dukh dusah sunae, sasu sasur pitu sukh samujhae
Siy manu ram charan anuraga, gharu na sugamu banu bishamu na laga
Aurau sabahin siy samujhai, kahi kahi bipin bipati adhikai
Sachiv nari gur nari sayani, sahit saneh kahahin mridu bani
Tumha kahun tau na dinha banabasu, karahu jo kahahin sasur gur sasu
79.2
Doha/soratha
-सिख सीतलि हित मधुर मृदु सुनि सीतहि न सोहानि।
सरद चंद चंदनि लगत जनु चकई अकुलानि ॥78॥
-Sikh sitali hit madhur mridu suni sitahi na sohani
Sarad chand chandani lagat janu chakai akulani