UtshovDoha 47
47.1
Chaupai
धन्य जनमु जगतीतल तासू। पितहि प्रमोदु चरित सुनि जासू।।
चारि पदारथ करतल ताकें। प्रिय पितु मातु प्रान सम जाकें।।
आयसु पालि जनम फलु पाई। ऐहउँ बेगिहिं होउ रजाई।।
बिदा मातु सन आवउँ मागी। चलिहउँ बनहि बहुरि पग लागी।।
अस कहि राम गवनु तब कीन्हा। भूप सोक बसु उतरु न दीन्हा।।
नगर ब्यापि गइ बात सुतीछी। छुअत चढ़ी जनु सब तन बीछी।।
सुनि भए बिकल सकल नर नारी। बेलि बिटप जिमि देखि दवारी।।
जो जहँ सुनइ धुनइ सिरु सोई। बड़ बिषादु नहिं धीरजु होई।।
Dhanya janamu jagatital tasu, pitahi pramodu charit suni jasu
Chari padarath karatal taken, priy pitu matu pran sam jaken
Ayasu pali janam phalu pai, aihaum begihin hou rajai
Bida matu san avaum magi, chalihaum banahi bahuri pag lagi
As kahi ram gavanu tab kinha, bhup sok basu utaru na dinha
Nagar byapi gai bat sutichhi, chhuat charhi janu sab tan bichhi
Suni bhae bikal sakal nar nari, beli bitap jimi dekhi davari
Jo jaham sunai dhunai siru soi, bar bishadu nahin dhiraju hoi
47.2
Doha/soratha
मुख सुखाहिं लोचन स्त्रवहि सोकु न हृदयँ समाइ।
मनहुँ करुन रस कटकई उतरी अवध बजाइ ॥46॥
Mukh sukhahin lochan stravahi soku na hridayam samai
Manahun karun ras katakai utari avadh bajai