UtshovDoha 48
48.1
Chaupai
मिलेहि माझ बिधि बात बेगारी। जहँ तहँ देहिं कैकेइहि गारी।।
एहि पापिनिहि बूझि का परेऊ। छाइ भवन पर पावकु धरेऊ।।
निज कर नयन काढ़ि चह दीखा। डारि सुधा बिषु चाहत चीखा।।
कुटिल कठोर कुबुद्धि अभागी। भइ रघुबंस बेनु बन आगी।।
पालव बैठि पेड़ु एहिं काटा। सुख महुँ सोक ठाटु धरि ठाटा।।
सदा रामु एहि प्रान समाना। कारन कवन कुटिलपनु ठाना।।
सत्य कहहिं कबि नारि सुभाऊ। सब बिधि अगहु अगाध दुराऊ।।
निज प्रतिबिंबु बरुकु गहि जाई। जानि न जाइ नारि गति भाई।।
Milehi majh bidhi bat begari, jaham taham dehin kaikeihi gari
Ehi papinihi bujhi ka pareu, chhai bhavan par pavaku dhareu
Nij kar nayan karhi chah dikha, dari sudha bishu chahat chikha
Kutil kathor kubuddhi abhagi, bhai raghubans benu ban agi
Palav baithi peru ehin kata, sukh mahun sok thatu dhari thata
Sada ramu ehi pran samana, karan kavan kutilapanu thana
Satya kahahin kabi nari subhau, sab bidhi agahu agadh durau
Nij pratibimbu baruku gahi jai, jani na jai nari gati bhai
48.2
Doha/soratha
काह न पावकु जारि सक का न समुद्र समाइ।
का न करै अबला प्रबल केहि जग कालु न खाइ ॥47॥
Kah na pavaku jari sak ka na samudra samai
Ka na karai abala prabal kehi jag kalu na khai